Qyzylorda qalasynda jańa ınnovasııalyq jańalyqtarǵa negizdelgen «Aqyldy qala» jobasy iske asyryla bastady.
Oblys ortalyǵyndaǵy kópqabatty turǵyn úılerge arnalǵan «OV Orda» bultty beınebaqylaýy arqyly Qazaqtelekom AQ-nyń qarjysy esebinen qaladaǵy turǵyn úılerge vıdeodomofondar ornatylyp jatyr. Munda turǵyndar úshin mobıldi qosymshalary jasalyp, bir aptalyq beınejazbalary muraǵatta saqtalatyn bolady. Abonenttik tólem ár páterge 300-500 teńge kóleminde bolady.
Alǵashqy bolyp Astana móltek aýdanyndaǵy eki kópqabatty turǵyn úı qosylǵan. Ekinshi kezeń boıynsha Syrdarııa, SPMK-70, Araı-2, Sultan Beıbarys, Mereı móltek aýdandaryndaǵy 91 kópqabatty turǵyn úı qosylatyn bolady. Sondaı-aq úshinshi kezeńde jyl aıaǵyna deıin taǵy 50 kópqabatty turǵyn úıdi qosý josparlanyp otyr.
Baqtııar TAIJAN,
«Egemen Qazaqstan»
Qyzylorda oblysy