Erteń О́zbekstannyń bas shahary – Tashkentte dzıýdodan Gran-prı týrnıri bastalady. 11 qarashaǵa deıin sozylatyn bul jarysta Qazaqstannyń týy astynda 21 balýan óner kórsetedi.
Gran-prı dodasy barysynda ár dzıýdoshyǵa álemdik reıtıngtegi jaǵdaıyn jaqsyrtý úshin tamasha múmkindik týyndaıdy. О́zbekstanǵa sapar shekkken bizdiń órender de sol jaǵdaıdy barynsha utymdy paıdalanýǵa tıis. Qazirgi kezde Qazaqstannyń erler quramasynyń úsh múshesi «TOP-10» dzıýdoshynyń qataryna enip otyr. Olar – Gusman Qyrǵyzbaev, Eldos Jumahanov jáne Erlan Serikjanov. 60 kılo salmaq dárejesinde beldesetin Ǵusman álemdik reıtıngte 6 orynda tursa, 60 kılo salmaqta nátıjeli óner kórsetip júrgen Eldos–8 jáne Erlan– 10 satyǵa jaıǵasty.
Úzdik 20 dzıýdoshynyń qataryna da sanaýly órenderimiz enip otyr. Olar – Jansaı Smaǵulov (73 kılo) – 12 oryn, Eldos Smetov (60 kılo) – 14 oryn jáne Islam Bozbaev (90 kılo) – 15 oryn. Al bıyl Azııa oıyndarynda jeńimpaz atanyp, birqatar halyqaralyq týrnırlerde júldegerler qatarynan kóringen Dıdar Hamza (81 kılo) 21 satyǵa taban tirep tur. Mine, elimizdiń eń úzdik balýandary osylar.
Áıelder arasynda jalǵaz Otgonseseg Galbadrahtyń qadamy qýantarlyq. Olımpııa oıyndary men álem chempıonatynda júlde alyp júrgen jerlesimiz asa jeńil salmaqtylar arasynda 6 oryndy ıelenýde. О́kinishike qaraı, ózge qyzdarymyzdyń qarqyny baıaý.
Esterińizge sala keteıik, Tashkentte ótetin Gran-prı týrnırinde Qazaqstannyń týy astynda mynda dzıýdoshylar óner kórsetedi:
Erler – Baýyrjan Jaýyntaev (60 kılo), Gumar Qyrǵyzbaev (66 kılo), Erlan Serikjanov (66 kılo), Jansaı Smaǵulov (73 kılo), Aqylbek Serik (73 kılo), Dıdar Hamza (81 kılo), Qajymukan О́teýlıev (81 kılo), Ázız Qalqamanuly (90 kılo), Ádilhan Qozybaev, Aıbek Serikbaev (100 kılo), Erasyl Qajybaev (+100 kg) jáne Ǵalymjan Qyryqbaı.
Áıelder – Otgonseseg Galbadrah (48 kılo), Saltanat Sultanbekova (48 kılo), Sevara Nyshanbaeva (57 kılo), Anna Kazıýlına (57 kılo), Iolanta Berdibekova (63 kılo), Aelıta Sherbakova (70 kılo), Ajar Salyqova (70 kılo) jáne Zarına Raıfova (78 kılo).