Vengrııanyń astanasy – Býdapeshte shaıbaly hokkeıden ótip jatqan «Evrochellendj» týrnırinde Qazaqstan quramasy Ońtústik Koreıany 5:3 esebimen utty.
Tusaýkeser kezdesýde aıdyn ıelerin 3:1 esebimen jeńgen jerlesterimiz kelesi básekede de óz jankúıerlerin qýantty. Birinshi kezeńde Ivan Stepanenko men Egor Petýhov qatarynan eki gol soqty. Úzilisten keıin qos komanda bir-biriniń qaqpasyna eki shaıbadan saldy. Qazaqstandyq oıynshylar arasynan Petýhov pen Aleksandr Borısevıch nysanany dál kózdedi. Úshinshi kezeńde koreıalyqtar esep aıyrmashylyǵyn qysqartqanymen, «Nomad» klýbynyń shabýylshysy het-trık jasap, machtyń sońǵy núktesin qoıdy – 5:3.
О́ziniń kelesi kezdesýin endi Qazaqstannyń hokkeıshileri Italııa quramasyna qarsy ótkizedi.
Ǵalym SÚLEIMEN,
«Egemen Qazaqstan»