Keshe Túrkııa Respýblıkasyna birlesken jumys sapary aıasynda Qoǵamdyq damý mınıstri Darhan Káletaev pen «Otandastar» qorynyń Prezıdenti Nurtaı Abyqaev dıaspora máselelerine jetekshi etetin vedomstvolar basshylarynyń úshinshi kezdesýine qatysty.
Darhan Káletaev óz sózinde túrki tildes memleketter úshin búgingi otyrystyń erekshe mańyzdylyǵyn atap ótti. Onyń aıtýynsha, Qazaqstan Respýblıkasy shet elderde ómir súrip otyrǵan qańdastarymyzdyń mádenı-gýmanıtarlyq saladaǵy suranystaryn qanaǵattandyrýǵa múddeli. Sol sebepti, elimiz shet elderdegi qazaqstardyń óz ana tilin, dástúri men mádenıetin damytýǵa múmkindikteri bolýy úshin qazaq dıasporalary ómir súretin memlekettermen yntymaqtasýǵa barynsha múddeli ekenin aıtty.
О́z kezeginde, «Otandastar» qorynyń Prezıdenti Nurtaı Abyqaev túrki tarapyna is-sharany joǵary deńgeıde ótkizgenderi úshin alǵysyn bildirip, bul kezdesý olardyń birlesken tyǵyz jumysynyń bastamasy bolatynyn atap ótti. Sondaı-aq, qordyń basshysy Túrkııanyń baýyrlas elder arasynda erekshe oryn alatyndyǵyn atap ótti.
Is-sharanyń qorytyndysy boıynsha «Túrki keńesi Túrkitildes dıasporasynyń ortaq áreket strategııasyn» ózgertý týraly sheshimin jáne osy strategııany júzege asyrý boıynsha birlesken is-qımyl josparyn qabyldady.
Issapar aıasynda qazaqstandyq taraptyń Túrkııa Vıse-Prezıdenti Fýat Oktaımen kezdesýi ótti. Taraptar dıasporalardyń strategııalyq, ekonomıkalyq, mádenı damýyndaǵy ekijaqty jáne kópjaqty seriktestiktiń negizgi máselelerin talqylady.
Sonymen qatar, «Otandastar» qorymen Iýnýs Emre qory arasynda yntymaqtastyq pen ózara túsinistik týraly memorandýmǵa qol qoıyldy. Memorandýmdar aıasynda taraptar ortaq mádenı, áleýmettik jáne ekonomıkalyq jobalardy júzege asyrýǵa, sondaı-aq tájirıbe men aqparat almasýǵa, ózara qyzyǵýshylyq týdyratyn salalarda is-sharalardy ótkizýge kelisti.
Aǵymdaǵy jyldyń 9 qarashasynda Stambulda Darhan Káletaev pen Nurtaı Ábiqaev Túrkııa jáne Eýropada turatyn qazaq dıasporalary basshylarymen kezdesý ótkizedi.