Birinshi bolyp balalardyń 3 km qashyqtyqqa júgirý jarysy bastaldy. Uldar arasynda Aleksandr Ten, al qyzdar arasynda Adııa Qadyrova jeńipaz atandy. Eń júırik júgirýshiler úshtigi medal, madaqtaý qaǵazymen marapattalyp, olarǵa seriktester tartý etken syılyqtar berildi.
Negizgi qashyqtyqqa (11 km) júgirýden, uldar arasynda 36 saǵat 24 mınýt kórsetkishpen Mıhaıl Krasılov, al Dana Aıdosova qyzdar arasynan 43:46 ýaqyt nátıjesimen jeńipaz atandy. Kúzgi júgirý jarysynyń eń júırik júgirýshileri, absolıýtti jeńipazdar medaldardan bólek 1-oryn úshin 50 000 tg, 2-oryn úshin 30 000 tg jáne 3-oryn úshin 20 000 tg aqshalaı syılyq aldy.
Kúzgi jarys ádettegideı Búkilálemdik dıabetpen kúres kúni qarsańynda «Sanofı» kompanııasynyń qoldaýymen ótti.
Júgirý jarystaryna belsendi túrde qatysatyn «Sanofı Qazaqstan» basqarma tóraǵasy Ranga Velaratne ótken is-shara boıynsha bylaı dedi: «Qant dıabeti – bul kúrdeli asqynýlarǵa ákeletin sozylmaly aýrý. Derttiń ósý deńgeıiniń artýyna qaraı, qant dıabetin «XXI ǵasyrdyń ınfeksııalyq emes indeti» dep ataýǵa bolady. Halyqaralyq dıabet federasııasynyń (IDF) boljamyna saı, 2040 jylǵa taman qant dıabetine shaldyqqan 20-79 jastaǵy adamdardyń sany 642 mıllıonǵa ósedi. Sol sebepti bul aýrýdy ýaqtyly dıagnostıkalaýǵa jáne aldyn alýǵa erekshe kóńil bólgen durys».
Júgirý jarysy kezinde adamdar qant pen holesterınge ekspress-test tapsyryp, «Cardios» medısınalyq ortalyǵynyń kardıolog dárigerinen keńes aldy.
«Osy júgirý jarysyna 1 107 áýesqoı sportshy qatysty. Bul elimizde belsendi ómir saltyn tańdaıtyn adamdardyń sanynyń ósip jatqanyn kórsetedi», - deıdi júgirý jarysynyń uıymdastyrýshysy, «Birinshi bolý - batyldyq» korporatıvtik qorynyń turaqty júrgizýshisi Valıhan Ten. Onyń sózinshe, bizdiń búgingi mindetimiz – bul ýaqtyly medısınalyq tekserýden ótip, aǵzaǵa kútimmen qaraý.
Kúzgi júgirý jarysy 2018 jyldy qorytyndylaıtyn outdoor-shara boldy. Alda Trıatlon ındor boıynsha Almaty Chempıonaty ótedi. Jańa maýsymdyq júgirý jarystary 2019 jyldyń aqpanynda bastalady. Al, jańa jyldan bastap, Tuńǵysh Prezıdent Saıabaǵynda sórege daıyndalýǵa nıet bildirgender úshin ashyq jattyǵýlar bastalady.