Prokýratýra qyzmetkerleri jergilikti monopolıstik sýbektiler qyzmetin tekserý barysynda jylý men elektr qýaty úshin tarıftik shyǵyndardy negizsiz kóterý faktilerin anyqtady.
Atap aıtqanda, «Sevkazenergosbyt» JShS-i jeke kásipkerlerge bosatylǵan elektr energııasyn kóterilgen baǵa boıynsha eseptegen. Yqpaldy sharalardyń arqasynda tarıftik baǵa 19,41 teńgeden 15,51 teńgege deıin kemitilip, 40 mıllıon teńge qaıtaryldy.
Osyndaı jaǵdaılar «Petropavl jylý júıeleri» JShS-i men «Soltústik Qazaqstan elektr jelilerin taratýshy kompanııasy» AQ-da da oryn alǵan. Tekseris qorytyndysy boıynsha energııamen qamtamasyz etetin uıymdar elektr energııasyna qatysty tarıfterdi túzetti. Tarıfter 2020 jylǵa deıin qatań saqtalatyn bolady.
Tabıǵı monopolııa salasyndaǵy zań buzýshylyqtar úshin «Petropavl jylý júıeleri» JShS-men «Soltústik Qazaqstan elektr jelilerin taratýshy kompanııasy» AQ-y jaýapkershilikke tartylyp, 2,6 mıllıon teńge mólsherinde aıyppul salyndy.
О́mir ESQALI,
«Egemen Qazaqstan»
Soltústik Qazaqstan oblysy