Qyzyljar óńirinde ótken HY óńiraralyq yntymaqtastyq forým aıasynda kóptegen mańyzdy memorandýmdar qabyldandy.
Sergeı Ilıýshın atyndaǵy avıasııalyq kesheni men Qazaqstan avıasııalyq zaýyty birigip jeńil motorly ushaqtar jasap shyǵarý týraly kelisimge qol qoıdy.
«Halyqaralyq Booking.com kompanııasynyń quramynda 117 myńnan astam maman qyzmet ataqarady. Qyzmeti sanalýan. «Vırtýaldy álem ıdeıasyn týrızm salasynda qoldaný» jobasyn Petropavlda engizýdi kózdep otyrmyz. Osynda tájirıbemizben bólisip, birneshe jańa trendter usyndyq», deıdi «Booking.Com» uıymynyń menedjeri Álibek Datbaev. .
S.Ilıýshın atyndaǵy avıasııalyq kesheni men Qazaqstan avıasııalyq zaýyty arasynda qabyldanǵan memorandýmǵa sáıkes jeńil ushaqtar qurastyrylatyn bolady. Kásiporynnyń irgetasy kelesi jyly qalanyp, bir jyl ishinde boı kóteredi. IL 130 M dep atalatyn bul áýe kóligi 1963 jyly sertıfıkattalǵan eken.
S. Ilıýshın atyndaǵy avıasııalyq kesheni» AQ-nyń bas dırektory Alekseı Rogozınnyń aıtýynsha, jeńil motorly ushaqtar kóptegen baǵyttarda qoldanylady. Taýly aımaqtar úshin óte yńǵaıly. Kez kelgen jerlerge ushyp, qona alady.
«Qazaqstan avıasııalyq zaýyty» JShS-niń bas dırektory Vıktor Doljenkov memorandýmǵa sáıkes jeńil motorly ushaqtar Petropavl qalasynda shyǵarylatynyn jetkizdi.
О́mir ESQALI,
«Egemen Qazaqstan»
Soltústik Qazaqstan