Qazaqstan syrtqy ister mınıstrleri orynbasarlary jáne arnaıy ókilder deńgeıinde ótetin Aýǵanstan jónindegi Máskeýlik formatyndaǵy konsýltasııalardyń ekinshi otyrysyna qatysty, dep habarlaıdy SIM baspasóz qyzmeti.
Is-sharaǵa resmı Kabýl, Talıban qozǵalysy, Ortalyq Azııa elderi, Iran, Pákistan, Qytaı, Úndistan, sondaı-aq AQSh ókilderi qatysty.
Bul kezdesýdiń biregeıligi, qazirgi tarıhtaǵy alǵash ret resmı Kabýl men qarýly oppozısııa ókilderi biryńǵaı kelissózder ústelinde otyrǵany bolyp tabylady.
Konsýltasııalar barysynda taraptar aýǵanaralyq tatýlasýǵa qatysty máselelerdiń keń aýqymy talqylanyp, atap aıtqanda Aýǵanstandaǵy uzaq soǵysty toqtatýdyń sheshý joldary usynyldy.