Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Qazaqstan boıynsha Halyqaralyq valıýta qory mıssııasynyń basshysy Mark Hortonnyń basshylyǵymen kelgen mıssııa múshelerimen kezdesti, dep habarlady Premer-Mınıstrdiń baspasóz qyzmeti.
Kezdesý barysynda tehnıkalyq ózara is-qımyl salasynda jáne makroekonomıkalyq perspektıvalardyń túrli máseleleri, salyq-bıýdjet jáne ınvestısııalyq saıasattardy jetildirý, sonyń ishinde Prezıdenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn iske asyrý aıasynda HVQ-men yntymaqtastyq áleýetin odan ári damytý máseleleri talqylandy.
Elimizdegi qurylymdyq reformalar máselelerine, «Nurly jol», «100 naqty qadam», jekeshelendirý baǵdarlamalaryn iske asyrý, sondaı-aq Astana halyqaralyq qarjy ortalyǵynyń qyzmeti máselelerine erekshe kóńil bólindi.