Biz kútken jeńis

Shvesııa men Reseı quramalarymen kezdeskennen keıingi sát­sizdiktiń ornyn toltyryp, dopty hokkeıden Qazaqstan qura­masy Fınlıandııa komandasyn aıqyn basymdyqpen oısyrata utty. Júldeli orynǵa ǵana emes, qazaqstandyqtardyń bul jeńi­si álemdik qysqy sport túrine ózindik oıyn órnegi bar jańa komandanyń kelgenin de baıqatyp tastaǵandaı.

Shvesııa men Reseı quramalarymen kezdeskennen keıingi sát­sizdiktiń ornyn toltyryp, dopty hokkeıden Qazaqstan qura­masy Fınlıandııa komandasyn aıqyn basymdyqpen oısyrata utty. Júldeli orynǵa ǵana emes, qazaqstandyqtardyń bul jeńi­si álemdik qysqy sport túrine ózindik oıyn órnegi bar jańa komandanyń kelgenin de baıqatyp tastaǵandaı.

Kórermenniń kúpti kóńilin qa­zaqstandyq qurama oıynnyń al­ǵashqy mınýttarynda-aq jadyratyp jiberdi. Raýan Esálıevtiń ádemi pasyn utymdy paıdalanǵan Andreı Morokov matchtyń besin­shi mınýtynda esep ashyp, tuń­ǵysh dopty qaqpa toryna toǵy­typ úlgerdi. Qarsylastar qansha­lyqty oıyn tizginin qolǵa alýǵa umtyl­ǵanymen, 12-shi mınýtta Aleksandr Nasonov shyǵarǵan dopty Vıacheslav Markın ilip alyp, fın qaqpasyna súńgite bildi. Fın­lıandııa quramasynyń mergeni Rýtkonen soqqan qarsylastardyń al­ǵashqy goly bizdiń jigitterdiń jigerin janyǵandaı áser etti. Tartysty sáttiń birinde fınder tarapynan oıyn erejesi buzy­lyp, tóreshi 12 metrlik aıyp dobyn bel­giledi. Ony Nasonov sheber oryn­dap, esepti 3:1 etip jańalady.Oıynnyń 31-shi mınýtynda Evgenıı Shadrınniń soqqan tór­tinshi goly Alekseı Nıkıshov jattyqtyratyn qurama aıdyn­daǵy oıynnyń tizginin óz qolyna alǵanyn anyq tanytty. Kók muz­dyń ústinde kórkem oıyn kórsete bilgen Sergeı Pochkýnov úsh birdeı fın oıynshysynan sytylyp shyǵyp, Leonıd Bedarevke ádemi múmkindik shyǵardy. Gol! Esep – 5:1.Ekinshi taımda bizdiń jigit­terge qarsy oıyn erejesi birsha­ma buzylýmen boldy. Bálkim qar­sylastardyń júıkesi syr berse kerek, áıteýir bizdiń Bedarevke qarsy jiberilgen tártipsizdik úshin tóreshi eki ret aıyp dobyn taǵaıyndady. Onyń birin Bronnıkov sátti paıdalanǵanymen, ekin­shi 12 metrlikti Pochkýnov soǵa almady. Nuǵmanov pen Shadrınniń sheberligi arqasynda elektrondy taqtadaǵy kórsetkish 8:1 bolǵan edi. Tóreshi oıyn ere­jesi buzylǵan soń, Qazaqstan quramasyna qarsy 12 metrlik aıyp dobyna sheshim shyǵardy. Fınlıandııa quramasynyń surmer­geni Lýkkarıla múmkindikti qalt jibermeı, bizdiń qaqpanyń ashyq tusyn dál kózdeı bildi. Lýkkarıla myqty eken, 70-shi mınýttyń basynda Oksanen shyǵaryp bergen dopty bizdiń qaqpaǵa qapysyz soǵyp, óz qorjynyn tolyqtyra tústi. Esep – 8:3.Oıynnyń 72-shi mınýtynda óziniń áýelgi qateligin qaıtar­ǵandaı bolyp, qazaqstandyq sur­mergen Pochkýnov bizdiń abyroıymyzdy asyrǵan toǵyzynshy goldy soqty. Artynsha oıyn erejesi buzylyp, 12 metrlik aıyp dobyn Esálıev keremet oryndady. Raýan­nyń bul doby matchtyń taǵ­dyrsheshti soqqysy boldy. Sońǵy mınýttarda buryshtan berilgen dop­ty sheberlikpen bizdiń qaqpaǵa fın Haýska súńgitip jibergen edi, alaıda qazaqstandyq quramanyń peshenesine jazylǵan jeńiske onyń áseri bola qoımady. Esep – 10:4, Qazaqstan – Fınlıandııa kez­desýindegi jeńis bizdiń enshimizde.Jalpy, qos quramanyń ara­syndaǵy oıyndar tartysty ótedi. Olardyń qola medal úshin talasýy dástúrge aınalǵandaı. Eń kórkem goldyń avtory atanǵan Evgenıı Shadrınniń oıynyn atap ótken jón. Bul kezdesýde Shadrın jarady.Alekseı Nıkıshovtyń komandasy 3 ret jeńip, 2 ret jeńildi. Endi jartylaı fınalda Shvesııamen kezdesý kútip tur. Búgin «Medeý» muz aıdynynda Reseı men Fınlıandııa kezdesedi. Al Qazaq­stan quramasy, taǵy da qaıta­laıyq, buǵan deıin ese jibergen Shvesııa komandasymen taıaq túıistiredi.Keshe álem chempıonatynda demalys kúni boldy.Osy chempıonatta elimiz qura­masynyń kem degende qola júl­deni ıelenetini sózsiz. Al Shvesııa quramasymen ótetin kezdesýde bizdiń Raýan Esálıev bastaǵan jigitter namysqa tyrysyp, je­ńis­ke jetse, bul Qazaqstannyń álem chempıonaty tarıhyndaǵy alǵashqy kúmis júldesi bolady. Qazirgi kezde naq osy Skandınavııa eli men Reseıdiń bendıde dáýreni júrip tur. Bul eki qurama osy kezge deıin múmkin bolǵan barlyq júldelerdi jeńip alǵan komandalar. Shvesııa quramasy­nyń bir ózi on ret álem chempıony bolǵany belgili.Sondaı-aq, bizge keshe qar­sylas bolǵan Sýomı eliniń de dop­ty hokkeıden únemi júldegerler qatarynan kórinip júrgeni bel­gili. Atap aıtqanda, 2004 jylǵa deıin júldegerlerdiń janynda júrgen Fınlıandııa quramasy sol kezden bastap komandalyq oıyn kórsetip, qazirde qola úshin talasatyn jaǵ­daıǵa jetip otyr. Sońǵy 8 jylda onyń juldyzdy shaǵy týdy dese bolady. Bul eldiń dopty hokkeı­shileri Shvesııada ótken dodany utyp aldy. Osylaısha 31 ret júl­de sarapqa salynǵan chempıonatta tek úsh eldiń quramalary ǵana qurmet tuǵyrynyń bıik satysynan kóri­ne bildi. Eń kóp jeńimpaz atanǵan el, árıne, KSRO boldy. Keńes Odaǵynyń sportshylary barly­ǵy 14 ret altyn júldeni tisimen tistep kórgen eken. Biraq, 1991 jyly Odaq taraǵan soń, onyń jetistikteri Reseı quramasyna tıesili delinip júr. О́ıtkeni, Reseı ózderin bendıden halyq­aralyq qaýymdas­tyqta KSRO-nyń zańdy murageri retinde tirkep qoıǵan desedi. Al sol soltústik kórshi­lerimiz derbes el retinde 6 márte álem chempıony atandy.Qazaqstan da bul dodada júl­deli oryndarǵa talasyp júrgen komandalardyń biri. Bizdiń eldiń sportshylary eń alǵash 2003 jyly Reseıdiń Arhangelsk qala­synda ótken jarysta qola júl­dege ıe boldy. Qazaqstandyqtar úshinshi oryn úshin básekede Fınlıandııa quramasynan 4:1 esebimen basym tústi. Budan soń 2005 jyly Reseıdiń Qazan qalasynda ótken chempıonatta otandastarymyz qola júldeni qanaǵat tutty. Bul joly da úshinshi orynǵa Sýomı bendıshilerimen talasqan jigit­terimiz asa shıelenisti oıynda 5:3 esebimen jeńiske jetti. Sóıtip, Qazaqstan quramasy álem­dik jarystyń eki birdeı qola júldesin ıelendi. Alaıda 2005 jyldan beri qaraı ótken alty chempıonatta bizdiń júldege qo­lymyz jetpedi. Osy ýaqyt ishin­de Fınlıandııa quramasy bes ret aldymyzdy orap ketti.Fınlıandııamen bolǵan keshegi oıynda sol ketken esemizdi qaı­tar­dyq dep sanaıyq.Qanat ESKENDIR.Almaty.