Georgıı Seretelı el bastamalaryna joǵary baǵa berdi

Kezdesý barysynda Nurlan Nyǵ­matýlın Qazaqstan Parla­menti EQYU PA-men yntymaq­tastyqty odan ári nyǵaıtýǵa úl­ken mán beretinin aıtty. 

Májilis Tóraǵasynyń piki­rinshe, Parlamenttik Assam­bleıa­nyń suhbat alańy ortaq maq­sattarǵa qol jetkizý úshin syn­darly parlamentaralyq únqa­ty­sýdyń tıimdi quraly retinde qoldanylýy qajet. 

Olardyń biri transulttyq problemalar men qaýip-qater­lerge qarsy is-qımyl jasaý. 

Osy rette, palata Spıkeri Elbasy N.Nazarbaevtyń BUU-daǵy bastamasymen Terrorızmge qarsy jahandyq jelini qurý týraly, sondaı-aq osy jyldyń qyrkúıek aıynda Nıý-Iorkte qol qoıylǵan Terrorızmnen azat álemge qol jetkizýge ar­nalǵan minez-qulyq kodeksiniń ma­ńyzdylyǵyn atap ótti.

О́z kezeginde Georgıı Sere­telı Qazaqstan men EQYU ara­syndaǵy jáne EQYU Parla­ment­tik Assambleıasy men qazaq­standyq parlament ókilderi ara­syndaǵy tıimdi qatynas týra­ly aıta kelip, Qazaqstan EQYU-nyń tóraǵasy retinde ma­ńyzdy ról atqarǵanyn, ári únemi óte mańyzdy jáne senimdi kásibı áriptes bola bil­genin atap ótti. EQYU PA Tóra­ǵasy Qazaqstan Prezıdenti Nursul­tan Nazarbaevtyń halyqara­lyq qa­damdaryna erekshe nazar aýdaryp, ásirese Álemdik jáne dástúrli din­der kóshbasshylarynyń sezin ótkizý týraly bastamasyna jo­ǵary baǵa berdi. 

– Bul óte mańyzdy, sebe­bi ol radıkalızm, dinı tózbeý­shi­liktiń kórinisteri sııaqty qaýip-qaterlerge qarsy turýǵa baǵyt­talǵan. Biz, sondaı-aq Qazaqstan Par­lamentimen aradaǵy baılanysty jo­ǵary baǵalaımyz, − dedi Georgıı Sere­telı.

О́zara yntymaqtastyq týraly aıta kele, Nurlan Nyǵmatýlın EQYU Parlamenttik Assam­bleıa­sy ókilderiniń kelesi jyly As­tanada ótetin Eýrazııalyq par­­lamentter spıkerleriniń Tór­­tinshi Jınalysyna qatysýy búkil Eýrazııa keńistiginde ózek­ti má­seleler boıynsha pikir al­ma­sýǵa yqpal etetinine senim bildirdi.