О́ńirlik Tabıǵı monopolııalardy retteý, básekelestikti jáne tutynýshylardyń quqyǵyn qorǵaý departamentiniń habarynsha, elektr energııasyn tasymaldaıtyn «Pavlodar elektr qýatyn taratý jelileri kompanııasy» AQ tarıfterin 10 paıyzǵa arzandatqan.
Elbasy Joldaý barysynda elimizdegi elektr qýatyn óndiretńn stansalarǵa tarıfterdi tómendetý jaıynda tapsyrma bergeni belgili.
Elektr qýatynyń arzandaýy-stansaladardyń qýatty bosatý tarıfine tikeleı baılanysty. Nátıjesinde, bıyl tórtinshi toqsanda elektr qýatynyń tarıfi 1 kVt/saǵ elektr qýatynyń quny 10,5 teńgeden 9,8 paıyzǵa tómendegen.
Sonymen birge, jylý baǵasy úshin de monopolıster tarıfti 2,6 paıyzǵa azaıtty. Oblys ortalyǵyndaǵy «Elektr qýatyn taratý kompanııasy» AQ-ta tarıftiń ósiminen alynǵan qarjyny maqsatty jumsap, bıyl 2 mlrd. 606 mıllıon teńgeniń jobalary josparlanyp, iske asyrylǵan.
Kásiporyndaǵy barlyq jumys negizgi qurylǵylardyń tozýyn tómendetip, elektr qýatyn joǵaltý kórsetkishterin kemitýge, qural-jabdyqtardyń úzdiksiz jumysyn arttyrýǵa baǵyttalǵan.
2015-2018 jyldar aralyǵynda jeke jáne zańdy tulǵalarǵa 11 myń 71 tehnıkalyq qujat berilgen. Qosymsha 1547, 5 mVt qýat berilýde. Elektr qýatyn tutynýshylar jyl saıyn ósýde.
Al, qalalyq prokýratýra tarıfterdi qalyptastyrý zańdylyqtaryna júrgizgen tekserister barysynda birqatar kemshilikterdi anyqtapty.
Biraq, bul kemshilikti kásiporyn basshylary zańsyz áreket dep sanamaıdy. Monopolııalar týraly Zańda, normatıvtik aktilerde «Josparlanǵan kólemdi kóbeıtý zańbuzýshylyq» dep jazylmaǵan.
О́ıtkeni, ulǵaıtylǵan kólem jóninde aqparat jyl saıyn Tabıǵı monopolııalardy retteý, básekelestikti jáne tutynýshylardyń quqyǵyn qorǵaý departamentine jiberiledi.
Farıda BYQAI,
«Egemen Qazaqstan»
PAVLODAR