Astanadaǵy Nazarbaev Ýnıversıtettiń magıstranttaryn «Qazsınk» kompanııasynyń bólimshelerinde tájirıbeden ótkizý maqsatynda arnaıy baǵdarlama jumysyn bastady.
Baǵdarlama aıasynda atalǵan oqý ornynyń 20 stýdenti Kókshetaý, Rıdder jáne Zyrıan qalalaryna kelip, taý-ken óndirisimen jete tanysyp, bilimderin tájirıbemen ushtastyryp qaıtty.
Elbasy qazan aıyndaǵy Joldaýynda elimizdiń bilim salasy jańartýdy qajet etetindigine toqtalyp, bilim sapasyn kóterip, túlekterdiń jumysqa ornalasýyna kóńil bólý kerektigin erekshe atap ótken edi. «Prezıdent bilim salasyndaǵy túıtkildi máselelerdi aıtyp qana qoımaı, odan shyǵýdyń joldaryn da kórsetti. Joldaý tutastaı alǵanda bizdiń kompanııaǵa, onyń árbir qyzmetkerine qatysty deýge bolady. Jumys berýshi retinde Memleket basshysynyń joǵary oqý oryndaryndaǵy bilim sapasyn kóterý týraly aıtqandaryn tolyǵymen quptaımyz. О́z jumysyna jetik, kásibı mamandardy ázirleý iri kompanııalar úshin de, ýnıversıtet úshin de asa mańyzdy. Qazirgi ýaqytta jastar zaman talabyna saı tehnıkalyq bilimdi kóbirek alǵandary abzal. Bizdiń kásiporyn bul iske belsene aralasyp, Nazarbaev Ýnıversıtetpen tyǵyz yntymaqtastyq ornattyq», deıdi «Qazsınk» JShS ákimshilik máseleler jónindegi atqarýshy dırektory Andreı Lazarev.
О́ndiristi óńir Shyǵysta tájirıbeden ótken 20 stýdenttiń biri – oraldyq Aıtolqyn Iаzıtova. «Rıdderde alǵash ret boldym. Erekshe tánti etkeni, sulý tabıǵat pen meıirimdi adamdar. Meni «Qazsınk-Shahtostroıdyń» marksheıder bóliminiń qyzmetkeri Anastasııa Kýznesovaǵa bekitti. Ol kisi barlyǵyn muqııat túsindirip, suraqtaryma jaýap berdi. Shahtaǵa ózimen birge alyp túsip, marksheıder jumysynyń máni men mańyzyn, erekshelikterin jaqsylap aıtyp berdi. Tájirıbe barysynda óndiristegi jumys barysyn kózben kórip, kenshi mamandyǵynyń qıyndyqtary men qyzyqty tustaryn sezingendeı boldym», deıdi ol.
Nazarbaev Ýnıversıtettiń «Taý-ken isi» baǵdarlamasynyń úılestirýshisi Danııar Malǵajdar elimizdegi irgeli óndiris oryndarymen yntymaqtastyqty aldaǵy ýaqytta da jalǵastyrýdy josparlap otyrǵandaryn aıtady. «Sala kóshbasshylarmen birlese qolǵa alynǵan mundaı jobalar kenshi mamandarynyń mártebesin jańa beleske kóteredi. О́ıtkeni bolashaq jas mamandarǵa zamanaýı óndiristi óz kózderimen kórýge múmkindik bar. Ýnıversıtet stýdentteri tek tájirıbeden ótip qana qoıǵan joq, qalyptasqan, úlken ujymnyń tynys-tirshiligimen de jaqynyraq tanysty», deıdi ol.
Azamat QASYM,
«Egemen Qazaqstan»
Shyǵys Qazaqstan oblysy