Tennısten Devıs kýbogynyń ıegeri anyqtaldy. Fınaldyq saıysta Fransııa quramasyn 3:1 esebimen utqan horvattar óz tarıhynda ekinshi márte aıtýly jarystyń bas júldesin ıelendi.
Bıylǵy maýsymdy Horvatııa tennısshileri óte tamasha ótkizdi. Bastapqy básekelerde Kanada men Qazaqstandy 3:1 esepterimen qapdy qaldyrǵan olar jartylaı fınalda AQSh-tan aılysyn asyrdy – 3:2. Sheshýshi tusta fransýzdarmen kúsh synasty. О́z kezeginde Fransııa quramasy Gollandııa, Italııa jáne Ispanııany utqan edi.
Alǵashqy kúni ótken jekelegen saıystyń ekeýinde de hovattar jeńiske jetti. Atap aıtsaq, Marın Chılıch Jo-Vılfrıd Songaǵa, al Born Chorıch Jeremı Shardıge shań qaptyrdy. Juptyq oıynda Per-Iýg Erber pen Nıkolıa Maıý Ivan Dodıg pen Mate Pavıchti utyp, esep aıyrmashylyǵyn qysqartty. Desek te tórtinshi kezdesýde Marın Chılıch Lıýk Pýıden aılasyn asyryp, básekeniń sońǵy núktesin qoıdy. Osylaısha, Horvatııa quramasy óziniń 2005 jylǵy kórsetkishin qaıtalap, aıtýly týrnırdiń bas júldesin ekinshi márte ıelenip otyr.
Devıs kýbogy jaıynda aıtar bolsaq, ol 1900 jyldan beri uıymdastyrylyp keledi. Bul jarysta eń kór oljaǵa kenelgen – AQSh quramasy. Amerıkalyq tennısshiler 32 ret teńdessiz dep tanyldy. Avstralııanyń 28 márte mereıi ústem bolsa, Ulybrıtanııa men Fransııa 10 retten top jardy. Sondaı-aq, aıtýly dodanyń bas júldesi myna memlekettiń órenderine buıyrdy: Shvesııa – 7, Ispanııa – 5, Germanııa men Chehııa –3, Reseı – 2, Italııa, Argentına, Serbııa, Shveısarııa jáne OAR – 1 retten.
Qazaqstan quramasy osy jarysta tuńǵysh ret 1995 jyly boı kórsetse, 2011 jyldan beri myqtylar tobynda kúsh synasýda. Sol ýaqyt aralyǵynda otandastarymyz bes ret shırek fınalǵa deıin jetti.
Ǵalym SÚLEIMEN,
«Egemen Qazaqstan»