Eýropanyń klýbtar qaýymdastyǵy (ECA) men Eýropanyń fýtbol agentteri qaýymdastyǵy (EFAA) «Globe Soccer Awards-2018» júldesinen úmitkerler tizimin jarııa etti.
2018 jyldyń qorytyndysy boıynsha eń úzdik bapker atanýǵa bes mamannyń múmkindigi zor. Olar – Dıde Desham (Fransııa quramasy), Iýrgen Klopp («Lıverpýl»), Massımılıano Allegrı («Iýventýs»), Dıego Sımeone («Atletıko») jáne bıylǵy jyldyń jazynda Madrıdtiń «Realy» sapynan ketken Zınedın Zıdan. Oıynshylar arasynda aıtýly uıymnyń tańdaýy Antýan Grızmann («Atletıko»), Krıshtıaný Ronaldý («Iýventýs») jáne Kılıan Mbappege (PSJ) túsip otyr. Al jyldyń eń ozyq komandasy ataǵy úshin Anglııanyń «Lıverpýl» jáne Ispanııanyń «Real» men «Atletıko» klýbtary talasady.
Joǵary atalǵan bapkerler, fýtbolshylar jáne komandalar arasynda kimniń baǵy janyp, jeńimpaz atanatyny kelesi jyldyń 3 qańtarynda Dýbaıda ótetin saltanatty jıyn barysynda belgili bolady.
Ǵalym SÚLEIMEN,
«Egemen Qazaqstan»