2017 jyldyń qorytyndysy boıynsha Mańǵystaýda týrızm salasynda 205 904 adamǵa qyzmet kórsetilip, kórsetkish 2016 jylǵa qaraǵanda 7 % - paıyzǵa ósken. Bul týraly Mańǵystaý oblysy «О́ńirlik kommýnıkasııa qyzmetinde» ótken brıfıng barysynda týrızm basqarmasynyń basshysy О́rken Bısaqaev málim etti.
Atalǵan 205 904 týrıstiń 177 178 adamy elimizdiń azamattary, basqasha aıtqanda, ishki týrızm deńgeıiniń kórsetkishi bolyp tabylady, al 28 726 adam - shetelden kelgen, ol – kelý týrızminiń kórsetkishi.
Basqarma basshysynyń aıtýynsha, kelesi jyly «Trı of laıf» demalys bazasy aýmaǵynda 3 jańa nysan boı kóteredi.
Onda 250 orynǵa arnalǵan «Nur» shıpajaıy, 120 orynǵa arnalǵan «Volna» qonaq úı kesheni salynady. Sondaı-aq, ınvestorlarmen 2020 jyly 6 birdeı qonaq úı keshenin iske qosý jóninde kelissózder júrgizilýde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy