Brıtanııa astanasy – Londonda amerıkalyq Fabıano Karýana men norvegııalyq Magnýs Karlsen arasyndaǵy shahmattan álemdik táj úshin ótken fınaldyq kezdesý aıaqtaldy.
Jarys qorytyndysy boıynsha 27 jastaǵy Magnýs Karlsen taı-breıkte amerıkalyq qarsylasyn 3:0 esebimen jeńip, 2013 jyldan beri ıelenip kele jatqan shahmat tájin jáne álem chempıony ataǵyn saqtap qaldy.
Aıta ketý kerek, eki shahmatshy arasyndaǵy 12 partııadan turatyn negizgi oıynnyń barlyǵy teń nátıjemen aıaqtalyp, sportshylar 25 mınýt +10 sekýnd ýaqytqa belgilengen qosymsha 4 taı-breık ótkizdi. Qosymsha partııanyń alǵashqy úsh oıynynda Karlsen jeńiske jetken soń, 4 partııany oınaý qajet bolmaı qaldy. Osylaısha norvegııalyq shahmatshy Fabıano Karýanany jalpy esepte 9:6 nátıjesimen jeńip, álem chempıony atandy.
Álı BITО́RE,
«Egemen Qazaqstan»