ÝEFA Chempıondar lıgasynyń besinshi týrynda Gollandııanyń PSV men Ispanııanyń «Barselona» klýbtary arasyndaǵy kezdesýdiń 61- mınýtynda Lıonel Messı gol soqqany málim.
Katalonııalyq komanda sapynda óner kórsetkeli beri 31 jastaǵy brazılııalyq shabýylshy aıtýly jarysta 106 márte mergendik tanytyp otyr. Bul kórsetkish jaǵynan ol Krıshtıaný Ronaldýdan ozdy. Madrıdtiń «Real» klýbynyń namysyn qorǵaǵan kezderi Portýgalııanyń juldyzy 105 gol soqqan edi. Alaıda Italııaǵa qonys aýdarǵan ol bıylǵy jyldyń jazynda «Iýventýstyń» jeıdesin kıdi. Endi Ronaldýdyń Messıden oza almaıtyny anyq.
Sonymen qatar, Chempıondar lıgasynyń toptyq týrnırinde 66 oıyn ótkizgen Lıonel Messıdiń qarsylastar qaqpasyna 66 gol salǵanyn da aıta ketken abzal. Bul da rekordtyq kórsetkish! Al aıtýly dop dodasynyń bıylǵy maýsymyndaǵy úsh ret jasyl alańǵa shyqqan Argentınanyń maqtanyshy alty márte dopty torda týlatty. Osylaısha, Messı osy kúnge deıin kósh bastap turǵan «Bavarııanyń» surmergeni Robert Levandovskııdi qýyp jetti.
Ǵalym SÚLEIMEN,
«Egemen Qazaqstan»