Mańǵystaý oblysy boıynsha Tabıǵı monopolııalardy retteý jáne básekelestikti qorǵaý departamenti basshysynyń mindetin atqarýshy Baqyt Bekmuratov kommýnaldyq qyzmetterdi tómendetý maqsatynda tabıǵı monopolııa sýbektileriniń tarıftik smetalary men ınvestısııalyq baǵdarlamalaryn taldaý boıynsha júrgizilgen jumystardyń qorytyndysy týraly baıandady.
Qazirgi ýaqytta QR Energetıka jáne Ulttyq ekonomıka mınıstrlikterinde taýarlyq gaz tarıfi 10% - ǵa tómendeıdi dep kútilýde. Bul jaǵdaıda «MAEK» JShS elektr energııasyn óndirýge tarıftiń 11% - ǵa tómendeýi bolady, ol oblystyń 671,3 myń turǵynyn qamtıdy. «MREK» AQ tarıftik smetasyn ońtaılandyrý esebinen 326,3 myń turǵyndy qamtı otyryp, halyqqa elektr energııasyn berýdi 50% - ǵa tómendetý josparlanýda. Halyq úshin elektr energııasyna ortasha tarıfi 14,7% quraıtyn bolady.
-Sondaı-aq, « Kaspıı sý tushytý zaýyty» JShS aýyz sý óndirý boıynsha 150,0 myń adamdy qamtı otyryp, tarıf baǵasy 7% - ǵa tómendeıdi dep kútilýde. Mańǵystaý aýdanynyń 7,2 myń turǵynyn qamtı otyryp, «KazVodHoz» RMK tarıfiniń halyq úshin 5% - ǵa tómendeýi kútilýde. «KJSA» MKK tarıftik smetasyn ońtaılandyrý esebinen jylý energııasyna tarıf 3% - ǵa tómendeıdi, ol 200,0 myń adamdy qamtıdy. «KJSA» MKK ystyq sý berý boıynsha tarıf 5,3% - ǵa tómendep, 200,0 myń adamdy qamtıdy. «О́zenJylý» MKK jylý energııasy boıynsha tarıfi 0,89% - ǵa tómendep, 150,0 myń adamdy qamtıdy, dedi Baqyt Bekmuratov.
Búgingi kúni Mańǵystaý oblysy boıynsha TMRjBQK ýákiletti organymen ınvestısııalyq jáne operasııalyq shyǵyndardy qaıta qaraýdy júzege asyrý jáne barlyq tabıǵı monopolııalar sýbektilerin tyńdaý jumystary júrgizilýde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy