3-7 jeltoqsan aralyǵynda WorldSkills Kazakhstan tórtinshi chempıonaty ótti. Tórt kún boıy elimizdiń barlyq óńirlerinen kelgen kolledjderdiń 350-den astam stýdentteri 30 túrli mamandyq boıynsha jumys daǵdylary deńgeıimen saıysty. Baıqaý tehnıkalyq jáne kásiptik bilimdi damytýǵa baǵyttalǵan. Jeńimpazdardy marapattaý saltanatyn QR Premer-Mınıstri Baqytjan Saǵyntaev ashty.
B. Saǵyntaev elimizdiń barlyq óńirlerinen kelgen kolledjderdiń stýdentterine saıysqa qatysqandary úshin alǵys bildirip, barlyq uıymdastyrýshylardy, demeýshiler men qonaqtardy respýblıkalyq chempıonattyń aıaqtalýymen quttyqtady. Premer-Mınıstr «Atameken» Ulttyq kásipkerler palatasynyń jýyrda ótken keńeıtilgen otyrysynda bıznes ókilderi shaqyrýdy qabyl alyp, kelesi jyldan bastap WorldSkills Kazakhstan qaýymdastyǵymen bilikti kadrlardy daıarlaý boıynsha belsene jumys isteıtinin habarlady.
WorldSkills Kazakhstan chempıonatynyń basty maqsaty - jumysshy kásipteriniń abyroıyn arttyrý, jas jumyskerlerge qazirgi eńbek naryǵynda suranysqa ıe praktıkalyq daǵdylar men joǵary biliktilikterdi alý múmkindigin berý.
Qazaqstannyń «World Skills» qozǵalysyna 2014 jyly qosylǵany atap ótildi. Soǵan qaramastan, aıtýǵa turarlyq nátıjeler bar. Eger 2015 jyly San-Paoloda ótken WorldSkills Competition birinshi álem chempıonatynda qazaqstandyq komanda 50-shi orynda bolsa, 2017 jyly Abý-Dabıde ótken jarysta 24-shi oryndy ıelendi. Sonymen qosa, elimizde kásiptik-tehnıkalyq jáne joǵary bilimniń damýy, bul kórsetkishterdi odan ári jaqsartý úshin perspektıvalar ashyp otyr.
Úzdiksiz oqytý men jańa kásipterdi ıgerý qajettigine erekshe nazar aýdaryldy. Bul jumys úrdisteriniń tehnologııalyq jańarýymen baılanysty. Osyǵan baılanysty, Úkimet jumys berýshilermen, sheteldik sarapshylarmen birlesip qubylmaly eńbek naryǵynda otandyq kadrlardyń básekege qabilettiligin arttyrý úshin kásiptik-tehnıkalyq bilim berý baǵdarlamasyn odan ári jetildirý boıynsha júıeli jumystar júrgizip otyr.
Qazaqstan Premer-Mınıstri birqatar chempıonat qatysýshylarynyń kórnekti jumystaryn aıryqsha atap ótip, jeńimpazdarǵa alty quzyret boıynsha marapattar tapsyrdy:
bızneske arnalǵan IT jobalar (3 oryn - I. Abdýlabaev, 2 oryn - I. Chýprynın, 1 oryn - M. Sokolovskıı);
elektronıka (3 oryn - A. Proseskıı, 2 oryn - O. Halımov, 1 oryn - P. Fetısov);
veb-dızaın (3 oryn - N. Mıneev, 2 oryn - A. Mýnko, 1 oryn - I. Sımanov);
grafıkalyq dızaın (3 oryn - F. Evdokımov, 2 oryn - I. Medhatov, 1 oryn - D. Bolat);
kompıýterlik qurylymdaý tehnologııasyn qoldanýmen CAD ınjenerlik grafıkasy (3 oryn - S. Jaılaýov, 2 oryn - O. Shaternıkov, 1 oryn - D. Zorın);
naýbaıhana isi (3 oryn - I. Borodýlına, 2 oryn - A. Marqabaı, 1 oryn - A. Amanǵosova).
Marapattaý saltanatyna sonymen qatar Parlament Senatynyń depýtaty B. Áıtimova, Parlament Májilisiniń depýtaty J. Nurmanbetova, Premer-Mınıstrdiń Orynbasary E. Dosaev, bilim jáne ǵylym mınıstri E. Saǵadıev, eńbek jáne halyqty áleýmettik qorǵaý mınıstri M. Ábilqasymova jáne basqalary qatysty.
Respýblıkalyq chempıonattyń jeńimpazdary 2019 jyly Qazanda ótetin halyqaralyq chempıonatta Qazaqstan atynan saıysqa túsetin bolady.
Kelesi quzyretter boıynsha jeńimpazdar marapattaldy:
«Mehatronıka» - A. Betsold, I. Raısov, A. Chýkalovskaıa, O. Lızogýb, D. Karlıýka, B. Fılıpov;
«Stanoktardaǵy tokarlyq jumystar» - T. Orynov, I. Gerasımov, Iý. Varavın;
«Dánekerleý tehnologııalary» - J. Elıpbaev, M. Omar, M. Gýselnıkov;
«Plıtkamen qaptaý» S. Dúısenbekov, A. Baıaly; D. Tlebaev, I. Turǵyn.
«Shanaq jóndeý» — Q. Estaev, J. О́mirzaqov, T. Mahambetov.
«Santehnıka jáne jylytý» — D. Iskandarov.
«Elektromontaj» — D. Sharypov, A. Freı, N. Begaly.
«Kirpish qalaý» — D. Aral, N. Amanjolov, E. Erǵalı.
«Qurǵaq qurylys jáne sylaq jumystary» — V. Veselov, A. Ozemskıı, J. Taýbaı.
«Sylaý jáne dekoratıvtik jumystar» — A. Sısenov, S. О́teýlıeva, B. Qajenov.
«Mobıldi robototehnıka» — A. Pomorzın, V. Lıýbenko, A. Beısenbaı, B. Beketov, N. Býra, E. Ohrımenko.
«Shashtaraz óneri» — N. Nurmuhanova, L. Ýporova, O. Artyqbaı.
«Dızaın jáne kıimdi modeldeý» — J. Maksýt, N. Tıtenko, A. Múslim-bı.
«Kondıterlik is» — K. Qabıeva, E. Báımetov, T. Prýsakova.
«Jeńil avtokólikterdi jóndeý jáne qyzmet kórsetý» — K. Býlat, E. Bektan, O. Mrkım.
«Aspaz isi» — S. Toktarqanov, A. Svechkar, A. Asylbekov, Iý. Gaponov, B. Jandar.
«Meıramhana servısi» — A. Sarbasov, E. Pıdjakova, A. Perpelıýkov.
«Sýytý jáne jeldetý tehnıkasyna qyzmet kórsetý» — A. Mınaev.
«Jelilik jáne júıelik basqarý» — A. Stepanıýk, G. Lepetın, A. Sholoh, R. Ánýarbekov, T. Batalına, A. Rýdıakov.
«Vızýaldi merchendaızıng jáne vıtrınıstıka» — T. Antonova.
«Otel-resepshıonıst» — Servana Sanaılova.
«Aýyl sharýashylyǵy mashınalary men traktor jóndeýshi» — N. Shynybek.
«Dızeldi qozǵaltqyshtardy jóndeý jáne qyzmet kórsetý» — K. Ognev.
«Astyq pen onyń óńdelgen ónimderiniń sapasyn anyqtaý» — G. Erısheva.
Is-shara alańynda QR ınvestısııalar jáne damý birinshi vıse-mınıstri Roman Sklıar jańa ónerkásiptik revolıýsııa jaǵdaılarynda bir mamandyqty ǵana emes, aralas kásipterdi, sonymen qatar jańa tehnologııalarmen jumys isteý daǵdylaryn oqyp-úırený asa qajettigin atap ótti.
«Árıne, Qazaqstanda jumysshy mamandyqtar qazir asa qajet. Eńbek jolyn metallýrg retinde bastap, joǵary jetistikterge qol jetkizgen óz tájirıbesin mysalǵa keltire otyryp, Memleket basshysy Tuńǵysh Prezıdent, jańa memlekettiń qurýshysy bolǵanyn atap ótti. Ol óz úlgisin kórsetti. Jastar muny óte jaǵymdy qabyldaıdy jáne ýaqyt lebi birneshe mamandyqty ıgerý qajettigin talap etip otyr. Qazir burynǵy jyldardaǵydaı, bir mamandyqty ıgerý ómir boıy jetedi deýdiń qajeti joq. Árıne, keı jaǵdaıdlarda bul durys ta bolar, biraq qazir jastar jańa mamandyqtardy ıgerip, búkil ómir boıy oqyǵysy, óz kásibi men múmkin, oǵan salalas kásipterderdiń jańa múmkindikterin meńgerýdi qalaıdy. Qazir baıqap otyrǵanymyzdaı, ónerkásipke jańa mamandyqtar kerek: sıfrlandyrý men ónerkásiptik kásiporyndar damyp jatyr, aýyl sharýashylyǵy kásiporyndary da, basqa da kólik-logıstıkalyq keshender de jańa kásipterdi ıgerýge úndep otyr. Jastardyń maqsaty aıqyn, árıne, mundaı baıqaýlar óziniń bolashaq mamandyǵyn áli tańdamaǵandardy jigerlendiredi», — dedi R. Sklıar.
О́z kezeginde, sharany uıymdastyrýshylar, oǵan qatysýshylar jáne sarapshylar PrimeMinister.kz tilshilerine baıqaýdyń qandaı deńgeıde ótkenin aıtyp berdi jáne mundaı chempıonattardyń kadrlar daıarlaý sapasyn arttyrý úshin mańyzdylyǵyn atap ótti.
Qaraǵandy kólik-tehnologııalyq kolledjiniń oqytýshysy, sarapshy Aqbar Táshen «Jeńil avtomobılder» quzyretinde baıqaýǵa qatysýshylar aýyspaly berilis qorabyn qurastyrǵanyn aıtty. Onyń aıtýynsha, bul óte qıyn. Biraq, qatysýshylar óz isin jaqsy biledi, qazirgi tehnıkalardy jaqsy ıgergen.
«Bul chempıonatty ótkizý — mindetti túrde jalǵastyrý qajet ári mańyzdy is. Jastardy oqytyp, olardyń daǵdylaryn jetildirý - bul úlken jumys. Chempıonat ótkizilgen tórt jyldan beri Qazaqstanda asa aýqymdy jumystar atqarylǵan. Biz joǵary nátıjelerge qol jetkizdik, biraq áli de istelýi kerek ister bar, sheberlikti shyńdaý qajet. Basqa elderdiń, Azııa jáne Eýropa elderiniń tájirıbesinen úırený kerek. «Jeńil avtomobılder» quzyretinde baıqaýǵa qatysýshylar aýyspaly berilis qorabyn qurastyrdy. Bul óte qıyn. Biraq, qatysýshylar óz isin jaqsy biledi, qazirgi tehnıkalardy jaqsy ıgergen», — dedi A. Táshen.
Almaty qalasynan kelgen tehnıkalyq delegat Qýatbek Ábildınov baıqaýdyń uıymdastyrýshylyq bóligi qalaı qalyptastyrylǵanyn aıtty. Ol qazaqstandyq chempıonattyń eýropalyq standarttar deńgeıinde ótkenin atap ótti.
«Bul baıqaýda biz tehnıkalyq máselelerdi: rásimderdiń saqtalýyn, sarapshylar jumysyn, alańdaǵy jumysty uıymdastyrýmen aınalystyq. Bizdiń pikirimizshe, chempıonat óte joǵary deńgeıde ótti. Eger Býdapeshte ótken eýropalyq chempıonatpen salystyrsaq, onda bizdiń chempıonat shamamen sondaı deńgeıde ótti. Qatysýshylarǵa halyqaralyq standarttar boıynsha talaptar qoıyldy. Baǵdarlama sondaı-aq Eýropa chempıonaty pen Abý-Dabıde ótken álem chempıonatyna saı keldi. Tapsyrmalardyń bir bóligi TMD chempıonatynyń tapsyrmalaryna uqsas boldy. Álem chempıonattarynyń tájirıbesinde tehnıkalyq quzyretter boıynsha tapsyrmalardyń tolyq ornydalýy sırek kezdesedi. Sebebi, olar kúrdeli. Bizdiń chempıonatta kóptegen qatysýshylar óz tapsyrmalaryn tolyq aıaqtaı alǵanyna men tańqaldym. Bul tusta qatysýshylardyń óńirlerde psıhologııalyq daıyndyqtan ótýi úlken ról oınady dep oılaımyn. Chempıonatta meni tańqaldyrǵan taǵy bir jaıt, qatysýshylardyń bir-birine qoldaý kórsetýi, bir-birine básekeles nemese qarsylas dep qaramaýy boldy. Olar aralasyp, tájirıbelerimen bólisip, bilmegenderin bir-birine kórsetip jatty», — dedi Q. Ábildınov.
Tóreshi, Túrkistan oblysynan kelgen tehnıkalyq delegat Aıdos Appazov Qazaqstanda kásiptik-tehnıkalyq bilim berý deńgeıi kóterilip kele jatqanyn aıtty.
«WorldSkills Kazakhstan jobasy Qazaqstannyń kásiptik-tehnıkalyq biliminiń ımıdjin kóterýge baǵyttalǵan. Mine, tórtinshi jyl biz Qazaqstannyń túkpir-túkpirinen kelgen kolledjderdiń shákirtteriniń osyndaı alańda óz sheberlikterin qalaı kórsetip júrgenine kýá bolyp júrmiz. Bul bolashaqta halyqaralyq jarystarǵa qatysýǵa múmkindik beredi. Men eki quzyretke tóreshi boldym: mehatronıka jáne elektromontaj. «Elektromontaj» quziretinde qatysýshylar kóp boldy da, bizge tórelik etý biraz qıynǵa tústi. Sonymen qatar, elektromontajda prıbordyń jumysyn retteıtin usaq bólshekter óte kóp. Biraq bizdiń balalar ony da ıgerdi. «Mehatronıka» quzyretinde qasytýshylar kompıýterlik qurylǵynyń kómegimen jumys isteıtin tutas stansııa quraýy tıis edi. Bul asa qyzyqty boldy. Kásiptip-tehnıkalyq bilim deńgeıi kóterilip keledi, jabdyqtar da zamanǵa saı, balalar halyqaralyq standarttarǵa sáıkes daıyndalǵan», — dep sanaıdy A. Appazov.
Sarapshy, Kentaý polıtehnıkalyq kolledjiniń arnaıy pánder boıynsha oqytýshysy Nurjan Syzdyqov memleket tarapynan tehnıkalyq mamandyqtarǵa túsip jatqan stýdentterge kórsetilip otyrǵan qoldaýdyń mańyzdylyǵyn atap ótti. Oqytýshynyń aıtýynsha, jastar muny sezinip otyr.
«Elektromontaj, elektronıka jáne robototehnıka modýlderi boıynsha stýdentterdi daıarlaý kezinde jaýapkershiliki seziledi, sebebi stýdentterge álemdik standarttardyń talaptaryna saı bilim berý kerek. Biz halyqaralyq standarttardy ustanýǵa tyrysamyz. Búginde stýdentterdiń deńgeıi birshama kóterilip keledi, al oqýdy bitirgen soń olar óz isiniń naǵyz sheberi bolady. WorldSkills Kazakhstan stýdentter úshin óz bilimderin tekserýdiń eń joǵarǵy deńgeıi bolyp tabylady, biz úshin de bul baǵalaý shyǵary, sebebi, oqytý kezinde olarmen birge biz de úırenemiz. Bizde dýaldi oqytý júıesi bar, stýdentterdiń 60%-dan astamy zaýyttar men ónerkásiptik kásiporyndarda taǵylymdamadan ótedi, demek, óz daǵdylaryn edáýir arttyrady. Bizdiń stýdentter 3 kýrstan bastap oqı júrip jumys isteı bastaıdy. Búginde ınjenerlik mamandyqtardyń mártebesi aıtarlyqtaı joǵary kóterilgenin senimdi túrde aıtýǵa bolady, stýdentterdiń basym bóligi osyndaı kásipterdi tańdaýda, sebebi, elimizde oǵan suranys bar, ózektiligi sezilýde, memlektetiń qoldaýy da zor, jalaqysy da burynǵydan joǵarlady», — dedi N. Syzdyqov
«Bızneske arnalǵan AT-jobalar» quzyretiniń kúmis júldegeri Ilıa Chýprynın óz kezeginde chempıonattyń qalaı ótkenin jáne qatysýshylarǵa qandaı tapsyrmalar berilgenin aıtyp berdi.
«Baıqaý aıasynda biz áýejaı jasap, áýejaı jumysyn tolyq avtomattandyrdyq, ıaǵnı, bizge qoldanýshylardy, tapsyrystardy, bortserikter úshin esepterdi jáne árbir ushýǵa qansha resýrs ketýi múmkin ekenin qabyldaý kerek boldy. Sonymen qatar biz qosymsha qyzmetter men reısterdi rezervteý úshin mobıldik qosmysha jasadyq. Jobalar paıdalanyla alady, olardy tolyq aıaqtaý qajet. Bizge 3 saǵatqa 6 tapsyrma berildi. Jyldam jumys istedik. 10 adam boldyq, baǵdarlamalaý tilinde jumys istedik. Qazir stýdentter bul mamandyqta oqýdy batyl tańdaı alady, óıtkeni memleket baǵdarlamany aýystyrdy. Biz eski standarttardan bas tartyp, jańa pánderdi tereńirek ári sapaly oqımyz. Maǵan bári unaıdy», — dedi I. Chýprynın.
«Bızneske arnalǵan AT-jobalar» quzyretiniń taǵy bir qasytýshysy, Qostanaı q. ındýstrııalyq-polıtehnıkalyq kolledjdiń 2 kýrsynyń stýdenti Artem Kosarenko baıqaý tapsyrmalary naryqtyń jańa suranystaryna saı kelgenin aıtty, bul chempıonatty kadrlar daıarlaý turǵysynan asa paıdaly etti.
«Qazir men esepteý tehnıkasy jáne baǵdarlamalyq qamtý boıynsha oqyp jatyrmyn. Baıqaýda bizdiń tapsyrmamyz oıdaǵy tapsyrys berýshiniń tapsyrysyn oryndaý boldy, tapsyrys berýshi fırma, áýe kompanııasy edi, bizge ushý, qoný prosesterin, bılet satyp alý prosesin atvomattandyrý kerek boldy. Tehnıkter men programmıster 21 ǵasyrda, jańa tehnologııalar ǵasyrynda qashanda suranysqa ıe bolady», — dedi óz áriptesin qoldaǵan A. Kosarenko.
Kadrlardy, ári osyndaı alańdarda daıarlaýdyń mańyzdylyǵy týraly «Stanoktardaǵy tokarlyq jumystar» quzyreti boıynsha júldeger Temirhan Orynov aıtyp berdi.
«Men bul mamandyqt ol bizdiń ýaqytymyzda suranysqa ıe bolǵan soń tańdadym. Bul daǵdylardy ıgergen soń óz qalaýyńa saı keletin jumysty tabýǵa bolady, onyń ústine, qazir báriniń avtomattandyrylǵan formatqa kóship jatqany unaıdy, sebebi bul jumysty edáýir jeńildetedi. Mundaı mamandyqtar óte kerek, men jastarǵa tańdaǵan jumysshy kásibinde qoldaý kórsetý durys dep sanaımyn. Bolashaqta bul el damýyna oń áserin tıgizetin bolady», — dep óz pikirin bildirdi T. Orynov.
Jambyl oblysynan kelgen qatysýshy Talǵat Mahambetov «Shanaq jumystary» quzyretinde qatysýy týraly aıtyp berdi jáne Qazaqstanda osy jumysshy mamandyǵynyń damý perspektıvalary týraly oıyn jetkizdi.
«Munda 30 kásip túri men 350 qatysýshy boldy. Meniń kásibim avto isimen baılanysty. Bizde baıqaýda 7 oblystan 7 qatysýshy boldy. Qazir bul mamandyq joq, biraq bul mamandyq óte qajet. Bul kásim «Shanaq jumystaryn syrlaý» dep atalady, ol tek sońǵy jyldary ene bastady. Buryn mundaı kisip týraly eshkim bilmeıtin, eger bul kásip stýdentterdiń qyzyǵýshylyǵyn týdyrsa, men qýanar eedim, sebebi, naryqta mundaı mamandar joqtyń qasy. Ol naryq bos ári ashyq deýge bolady, onyń ústine, qazir damý úshin, tipti, óz isińmen aınalysý úshin barlyq jaǵdaı bar», — dedi T. Mahambetov.
«Aspaz isi» quzyreti boıynsha altyn medal ıegeri Aelıta Amanǵosova baıqaý aıasynda Qazaqstannyń túrli oblystarynan kelgen 14 adam 3 kún boıy túrli taǵamdar ázirlegenin aıatty, olardyń ishinde nan ónimderi men qamyr ázirleýdiń kúrdelirek tehnıkalary boldy.
Baıqaý týraly óz áserlerimen júldeger, «Dızaın jáne kıimdi modeldeý» quzyreti boıynsha altyn medal ıegeri Araı Músilim-bı de bólisti .
«Men Almaty qalasyndaǵy sán jáne dızaın kolledjinde kıim dızaıneri quzyreti boıynsha oqımyn. Biz 14 qatysýshy boldyq jáne barlyǵy da jeńimpaz bolýǵa laıyqty boldy. Jarys kezinde kóılek tigý kerek boldy, biraq onyń tehnologııalyq jáne konstrýksııalyq qıyndyqtary bar edi. Bul mamandyq Qazaqstanda asa qajet, bizdiń elimizge halyqaralyq naryqtarǵa shyǵý kerek, bul úshin barlyq jaǵdaılar bar. Tek sony barynsha qalap, oqý kerek. Bul qıyn emes», — dedi A. Músilim-bı.
«Dızaın jáne kıimdi modeldeý» quzyreti boıynsha chempıonattyń taǵy bir qatysýshysy Janaıym Maqsut WorldSkills Kazakhstan jastar úshin zor múmkindikter ashatynyn aıtty.
«Maǵan óz kásibim óte unaıdy, bala kezimnen tigýdi unatatyn edim. Birinshi modýlde biz eskızderin saldyq, ekinshisinde - kóılek tiktik, úshinshi modýlde - búrmeledik. Qazaqstandyq jastardyń mundaı, shynymen de qajetti ári suranysqa ıe kásipterge tegin oqı alatyny keremet. Men bul jobaǵa qatysqanyma asa qýanyshtymyn. WorldSkills shynymen de jastar úshin zor múmkindikter ashady», — dedi J. Maqust.
Semeı qalasynan kelgen qatysýshylardyń biri Ánýar Sarbasov chempıonattyń qyzmet kórsetý salasyndaǵy álemdik standarttardy zerdelep, óz daǵdylarynyń sapasyn kóterýge múmkindik beretinin aıtty, bul eńbek naryǵyndaǵy múmkindikterdi molaıtady.
«Qazir Qazaqstanda meıramhana servısi damyp jatyr jáne jetkilikti suranysqa ıe…. Bolashaqta óz mekememdi ashqym keledi. Bizde óte kóp modýl boldy, negizinen, ol daıashy, barıst jáne barmen. Men bul daǵdylardyń bárin kórsettim. Men eýropalyq servıs daǵdylarynyń bir bóligin, sondaı-aq WorldSkills standarttaryn, álemdik standarttardy aldym. Bizge bárin oqytady. Men eki jyl daıyndaldym», — dedi Á. Sarbasov.
30 túrli jabdyqtalǵan sektorlary bar alańdardy jasaý jumys istep turǵan bıznestiń qoldaýynyń arqasynda múmkin bolǵanyn aıta ketken jón. Knauf kompanııasynyń oqý ortalyǵynyń basshysy Oleg Sotnıkov kásiporynnyń sarapshylyq, tehnıkalyq qoldaý kórsetetinin jáne 2016 jyldan beri WorldSkills Kazakhstan jobasyn resmı jetkizýshi bolyp tabylatynyn aıtty. Ol chempıonatqa materıaldar usynady.
«Birinshi kezeń qurǵaq qurylys boıynsha jańa mamandyqty engizý boldy. Oqý ortalyqtarymen belsendi jumystar júrgizilip jatyr. Kompanııa Qazaqstandaǵy oqý oryndarynyń bazasynda Astana, Almaty, Qostanaıda resýrstyq ortalyqtar qurdy. Sonymen qatar jańa bilimder men tehnologııalardy ıgerýge nıetti oqý oryndarymen jumystar júrgizilip jatyr. Bizdiń kompanııa eń basynan, 2015 j. beri chempıonatty ótkizýge belsene atsalysyp kele jatyr. 2018 j. biz qatysýshylardyń deńgeıi áldqaıda joǵary ekenin kórip otyrmyz. Oqý oryndary qajetti bilimder men quzyretter alyp, laıyqty óner kórsete alady. Kelesi jyly Qazanda biz alǵashqy úshtiktiń qatarynan kórinemiz dep úmittenemin», — dedi O. Sotnıkov.
FEST Group nemis kompanııasynyń Ortalyq Azııadaǵy oqý bólimshesiniń dırektory Stanıslav Kýskov óz kezeginde chempıonat qatysýshylaryna qandaı perspektıvalar ashylyp otyrǵanyn aıtyp berdi. Kompanııa sońǵy úsh jyldan beri «Mehatronıka» quzyreti boıynsha WorldSkills Kazakhstan qaýymdastyǵymen belsendi yntymaqtastyq ornatqan.
«Birinshi kezekte, biz KAZ Minerals, Qazmyrysh, Qazaqmys tárizdi ónerkásiptik kásiporyndarmen avtomattandyrý salasynda jumys isteımiz. Biz kásiporyndarda bilikti mamandar halyqaralyq deńgeıde bolýy kerektigin túsinemiz, jáne bul jaǵdaıda jarystyń demeýshisi bola otyryp, biz jabdyqtardy da, halyqaralyq sertıfıkaty bar bas sarapshy kómegin de usynamyz. Biz shtatqa mehatronıka boıynsha jumyskerler alamyz, búgin biz balalardy baıyptadyq. Biraq biz mundaı balalardy ónerkásip úishn daıyndaımyz. Biz birinshi kezekte, balalardy daıyndaımyz, olar úshin osy kompanııalarda jumys isteý áleýeti zor. Olar erteń kásiporyndarǵa barady jáne halyqaralyq deńgeıdegi mamandar bolady», — dedi S. Kýskov.