«Qamqorshysy joq qart adamdarǵa kómek berý» aksııasy uıymdastyryldy

Sharaǵa shaǵyn shahardaǵy №1 orta mekteptiń oqýshylary belsene qatysyp, jalǵyz basty qarııalardyń úılerine baryp, uldar aýlanyń qaryn kúrep, ot jaǵysyp, qyzdar úı ishiniń tazalyq jumystaryna járdemdesti. «Jasyratyny joq, qazir balalardyń kóbi, balalar túgili ata-analardyń deni uıaly telefonǵa shuqshııatyny belgili. Odan qalsa, teledıdarǵa telmiredi. Qozǵalys, qımyl az. Al taza aýada qolǵa kúrek alyp, mańdaıdan ter tamshylap, eńbek etýdiń lázzatyn sózben jetkizý qıyn shyǵar. Sondyqtan oqýshylarymyzdy osy aksııaǵa qatystyrýdy jón kórdik. Bul bir jaǵynan, olardy eńbekke baýlý, ekinshi jaǵynan, tárbıe. Úlkenderdi qurmetteýge úıretý», - deıdi oqýshylaryn aksııaǵa aparǵan ustaz Baljan Ahmetjanova.    

Aıagóz aýdandyq ishki saıasat bóliminiń basshysy Medet Myrzykeshov  №1 orta mektep oqýshylarynyń ótkizgen qaıyrymdylyq sharasy ózgelerge úlgi bolarlyqtaı is bolǵanyn aıtady. «Jalǵyzdyq qudaıǵa ǵana jarasqan» degen ǵoı babalarymyz. Bul sózdiń ómirsheńdigin basyna túsken jan ǵana biledi. Búgin jas órender qaıyrymdylyq degen sózdiń máni men maǵynasyna úńilip, ózderi soǵan tikeleı atsalysty», - deıdi ol.

Azamat QASYM,

«Egemen Qazaqstan»

Shyǵys Qazaqstan oblysy,

Aıagóz aýdany