Almaty qalalyq sotynyń 50 jyldyǵy, «Zań» medıa-korporasııasy» JShS-niń 25 jyldyq mereıtoıyna oraı uıymdastyrylǵan shytyrman oqıǵaly shyǵarmalar baıqaýynyń júldegerlerin marapattaý rásimi ótti.
Negizi 1994 jyly qalanǵan «Zań» medıa-korporasııasy» JShS elimizdegi quqyqtyq salaǵa arnalǵan respýblıkalyq «Zań gazeti» jáne «Iýrıdıcheskıı gazeta» basylymdary jáne eki tilde «Zań» jáne «Femıda» ǵylymı jýrnaldaryn jaryqqa shyǵaryp keledi.
Qazaq prozasynyń kenjelep qalǵan janryna oqyrmandar narzaryn aýdarýdy maqsat ete otyryp Almaty qalalyq sotynyń qoldaýymen «Zań» medıa-korporasııasy» JShS-i osy ıgi sharany uıymdastyrǵan-dy.
Uıymdastyrýshylardyń aıtýynsha, baıqaýǵa elimizdiń túkpir-túkpirinen 70-ten astam úmitker shyǵarmalary joldaǵan. Baıqaýdyń júlde qory 1 000 000 teńge.
Baıqaýǵa aqyn, pýblısıst, «Aqıqat» ulttyq qoǵamdyq-saıası jýrnalynyń bas redaktory Amanhan Álim, «Zań gazetinde» uzaq jyl jumys istep, quqyq taqyrybyna qalam terbep, detektıv janryndaǵy shyǵarmalaryn jınaq etip jarııalaǵan belgili jýrnalıst Eleýsiz Murat jáne aqyn, jýrnalıst-jazýshy Serik Sarybaev qazylyq jasady.
Baıqaý nátıjesinde júldeli III oryn Ásem Jumahan, Erkeǵalı Beısenov jáne Qýandyq Shamahaı syndy avtorlarǵa buıyrsa, II oryndy /200 000 teńge/ Janar Janapııanova enshilese, I orynǵa /500 000 teńge/ belgili jýrnalıst, jas dramatýrg, «Qazaq ádebıeti» gazetiniń qyzmetkeri Álibek Baıboldyń «Mıllıon» atty shyǵarmasy laıyq dep tanyldy. Baıqaýǵa qatysqan 5 úmitkerge yntalandyrý syılyqtary úlestirildi.
Elvıra SERIKQYZY,
«Egemen Qazaqstan»
ALMATY