Shveısarııanyń Non qalasynda 2020 jylǵy álem chempıonatynyń Eýropa qurlyǵy boıynsha ótetin irikteý týrnıriniń alǵashqy eki kezeńiniń jerebesi tartyldy.
Irikteý týrnırin negizgi kezeńnen bastaıtyn Qazaqstan quramasy Rýmynııamen birge 5-topta óner kórsetedi. Taǵy qos qarsylas bastapqy raýndtaǵy básekelerden keıin belgili bolady. Bul rette jerlesterimizdiń joly G tobynda top jarǵan jáne S tobynda ekinshi oryn alǵan komandalarmen qıysady. Osy aıtylǵan sózimiz kópshilikke túsinikti bolý úshin tómendegi kestege nazar aýdarǵan jón.
Irikteý týrnıriniń bastapqy raýndy
A toby: Latvııa, Anglııa, Kıpr, Gıbraltar.
V toby: Belarýs, Norvegııa, Kosovo, Andorra.
S toby: Makedonııa, Albanııa, Grekııa, San-Marıno.
D toby: Grýzııa, Danııa, Germanııa, Izraıl.
E toby: Belgııa, Shvesııa, Armenııa, Malta.
F toby: Bosnııa men Gersegovına, Túrkııa, Shveısarııa, Shotlandııa.
G toby: Gollandııa, Chernogorııa, Bolgarııa, Estonııa.
N toby: Fınlıandııa, Moldova, Ýels, Soltústik Irlandııa.
Irikteý týrnıriniń negizgi raýndy
1 top: Ispanııa, Polsha, D tobynyń jeńimpazy, N tobynda ekinshi oryn alǵan komanda.
2 top: Ýkraına, Slovenııa, S tobynyń jeńimpazy, V tobynda ekinshi oryn alǵan komanda.
3 top: Ázirbaıjan, Slovakııa, H tobynyń jeńimpazy, G tobynda ekinshi oryn alǵan komanda.
4 top: Italııa, Vengrııa, B tobynyń jeńimpazy, A tobynda ekinshi oryn alǵan komanda.
5 top: Qazaqstan, Rýmynııa, G tobynyń jeńimpazy, S tobynda ekinshi oryn alǵan komanda.
6 top: Serbııa, Fransııa, E tobynyń jeńimpazy, F tobynda ekinshi oryn alǵan komanda.
7 top: Reseı, Horvatııa, F tobynyń jeńimpazy, E tobynda ekinshi oryn alǵan komanda.
8 top: Portýgalııa, Chehııa, A tobynyń jeńimpazy, D tobynda ekinshi oryn alǵan komanda.
Bastapqy kezeńdegi matchtar 2019 jyldyń 29 qańtary men 3 aqpany aralyǵynda ótedi. Negizgi kezeńdegi kezdesýler 2019 jyldyń 22-27 qazan aralyǵynda oınalady. Ár topta alǵashqy eki oryndy ıelengender elıtalyq raýndqa shyǵady. Bul básekeler 2020 jyldyń 28 qańtary men 2 aqpany aralyǵynda ótedi. Ol jerde qatysýshylar tórt-tórtten tórt topqa bólenip, ózara tartysta myqtylardy anyqtaıdy. Sol saıysta birinshi oryndy oljalaǵan komandalar birden álem chempıonatynyń joldamasyna ıelik etse, ekinshi satyǵa taban tiregender pleı-off dodasyna qatysyp, qalǵan eki joldamany sarapqa salady. Pleı-off dodasy 2020 jyldyń 9-12 sáýir aralyǵynda uıymdastyrylady.
Ǵalym SÚLEIMEN,
«Egemen Qazaqstan»