Fýtboldan Birikken Arab Ámirlikterinde ótip jatqan klýbtar arasyndaǵy álem chempıonatynyń fınalyna shyqqan komandalar anyqtaldy.
Jartylaı fınaldyq saıysta Ispanııanyń «Real» komandasy Japonııanyń 8 dúrkin chempıony, 2018 jyly fýtboldan Azııa Chempıondar lıgasynyń jeńimpazy atanǵan «Kasıma Antlers» klýbyn jeńip (3:1), fınalǵa shyqty. «Real» sapynan úsh goldy da Garet Beıl salsa, «Kasıma Antlers» komandasynan Sıoma Doı bir ǵana golmen jaýap qaıyrdy.
Ekinshi jartylaı fınalda Birikken Arab Ámirliginiń «Ál-Aın» jáne Argentınanyń «Rıver Pleıt» komandalary kezdesip, oıynnyń negizgi kezeńi 2:2 esebimen teń aıaqtaldy. Oıyn sońyndaǵy penaltı serııasynda «Ál-Aın» komandasynyń baǵy janyp, fınaldyq saıysqa joldama aldy. Klýbtar arasyndaǵy álem chempıonatynyń fınaldyq oıyny 22 jeltoqsan kúni ótedi.
Daıyndaǵan Álı BITО́RE,
«Egemen Qazaqstan»