Búgin QR Premer-Mınıstri Baqytjan Saǵyntaevtyń tóraǵalyǵymen ótken osy jyldyń sońǵy Úkimet otyrysynda óńdeý ónerkásibindegi eńbek ónimdiligin arttyrý máseleleri qaraldy. Indýstrııa jáne ınfraqurylymdyq damý mınıstri J. Qasymbek baıandama jasady.
Eńbek ónimdiligi elimizdiń básekege qabilettiliginiń mańyzdy faktory. Indýstrııa jáne ınfraqurylymdyq damý mınıstri Jeńis Qasymbek mınıstrlik jetekshilik etetin ekonomıkanyń negizgi salalary boıynsha bıyl birinshi jartyjyldyqta ótken jyldyń sáıkes kezeńimen salystyrǵanda oń serpin baıqalady. Kólik salasynda kórsetkish — 3,1%, qurylysta — 9,3%,ónerkásipte kórsetkish 4,3%-ke ósti.
«О́nerkásip salalaryndaǵy ósim taý-ken ónerkásibinde (ósim 9,1%-ke), sondaı-aq sýmen jabdyqtaýda (ósim 3,3%-ǵa) baıqalyp otyr. О́ńdeý ónerkásibindegi eńbek ónimdiliginiń ındeksi 98,2%-dy qurady. О́nimdilik mashına jasaýda 11,5%-ǵa, hımııa ónerkásibinde 9,2%-ǵa jáne jeńil ónerkásipte 1,6%-ǵa ulǵaıdy», — dedi J. Qasymbek.
2018 jyldyń jartyjyldyǵynyń qorytyndysy boıynsha jumyspen qamtylǵandar sany 45,1 myń adamǵa nemese 2017 jyldyń sáıkes kezeńimen salystyrǵanda 8,9 %-ǵa ósti (505,5-ten 550,6 myń adamǵa deıin – ózin-ózi jumyspen qamtyǵandardy eseptemegende).
О́z baıandamasynda ındýstrııa jáne ınfraqurylymdyq damý mınıstri saladaǵy eńbek ónimdiligin odan ári arttyrý maqsatynda óńirlerde jumysty kúsheıtý qajettigin atap ótti. Bul — qarjylyq qoldaý quraldaryn damytý arqyly kásiporyndardy jańǵyrtýdy ınvestısııalaýǵa yntalandyrý qajet. Kólemi men uzaq merzimdi qarjylandyrý qoljetimdiligin arttyrý, ozyq jabdyqtar men tehnologııalardy paıdalaný turǵysynan memlekettik qoldaý alatyn jobalarǵa qoıylatyn talaptardy kúsheıtý kerek. Budan ózge, J. Qasymbektiń aıtýynsha, ónerkásipti sıfrlandyrý boıynsha josparlanǵan sharalardy iske asyrýdy jalǵastyrý, onyń ishinde kásiporyndarǵa qoıylatyn tehnologııalyq talaptar men standarttardy arttyrý qajet.
Jalpy, eńbek ónimdiligi máseleleri QR ındýstrııalyq-ınnovasııalyq damytýdyń 2020–2025 jyldarǵa arnalǵan tujyrymdamasyn ázirleý kezinde eskerildi. Eńbek ónimdiligi Indýstrııalandyrýdyń úshinshi baǵdarlamasynyń negizgi ındıkatorlarynyń biri bolyp aıqyndaldy.
О́ńirlerde júrgizilip jatqan jumystar týraly Almaty oblysynyń ákimi A. Batalov, Aqtóbe oblysynyń ákimi B. Saparbaev, Shyǵys Qazaqstan oblysynyń ákimi D. Ahmetov, Soltústik Qazaqstan oblysynyń ákimi Q. Aqsaqalov, Jambyl oblysynyń ákimi A.Myrzahmetov, Astana q. ákimi B. Sultanov, Atyraý oblysy ákiminiń birinshi orynbasary S. Shapkenov baıandady.
Máseleni qaraý qorytyndysy boıynsha Premer-Mınıstr Baqytjan Saǵyntaev Indýstrııalandyrý kúninde sóz sóılegen kezde Elbasy ónerkásiptegi eńbek ónimdiligin ulǵaıtý maqsatynda óńirlerdiń reıtıngin merzimdi túrde júrgizip turýǵa tapsyrma berdi. Alǵa qoıylǵan naqty mindet oryndalýy tıis.