Jyl basynan beri Aqmola oblysynda «Damý» kásipkerlikti damytý qory arqyly 100-den astam joba kepildendirilse, 40 joba sýbsıdııalanǵan. Bul týraly «Damý» kásipkerlikti damytý qory aımaqtyq fılıalynyń jyl boıy atqarǵan jumysyn qorytyndylaýǵa arnalǵan brıfıngte málim boldy.
Búginde «Damý» kásipkerlikti damytý qory negizinen «Jol kartasy – 2020» memlekettik baǵdarlamasy boıynsha jumys isteıdi. Atalmysh baǵdarlama aıasynda qor tarapynan aǵymdaǵy jyly jalpy quny 7,2 mıllıard teńgeni quraıtyn 40-tan astam jobaǵa qoldaý kórsetilgen. Budan bólek, «Damý» qory «Nátıjeli jumyspen qamtý jáne jappaı kásipkerlikti damytý» baǵdarlamasy boıynsha da jumys isteıdi. Bul baǵdarlama aıasynda qor Kókshetaý, Stepnogorsk qalalaryndaǵy kásipkerlerge qarjylaı qoldaý kórsetedi. Aǵymdaǵy jyly atalmysh baǵdarlamany júzege asyrýǵa 620 mıllıon teńge qarjy bólinse, búginde onyń 76 paıyzy ıgerilip otyr. «Búginde bul baǵyttaǵy jumystar jalǵasýda», – dedi qor dırektory Rýslan Ahmetov. Jyl qorytyndysy boıynsha «Damý» qory basqa da baǵdarlamalar boıynsha túrli jobalardy oıdaǵydaı júzege asyrǵan.
–2018 jyly da «Damý» qory turǵyn úı qurylysyn qoldaýǵa arnalǵan «Nurly jer» baǵdarlamasy boıynsha jumysty jalǵastyryp keldi. Kókshetaý qalasynda 6 jobaǵa, ıaǵnı, 6 turǵyn úıge jáne Selınograd aýdanyndaǵy Aqmol aýylyndaǵy 1 turǵyn úıge qatysty jobaǵa qoldaý kórsetilip jatyr. Búginde atalǵan turǵyn úılerdegi baspana sany 700 páterdi qurap otyr,–dedi «Damý» kásipkerlikti damytý qory aımaqtyq fılıalynyń dırektory Rýslan Ahmetov.
Baıqal BAIÁDIL,
«Egemen Qazaqstan»
Aqmola oblysy