Búginde respýblıka boıynsha «Nur Otan» partııasynyń uıytqy bolýymen «Mektep ashanalary» partııalyq jobasy bastaldy. Quramynda «Nur Otan» partııasy aımaqtyq fılıal ókilderinen bólek ata-analar, úkimettik emes uıymdary men aqparat quraldary jáne vedomstvoaralyq saraptama tobynan jasaqtalǵan quram mektep ashanalaryna tekserý júrgizip jatyr. Bul osy ashanalardy taǵamdarmen qamtamasyz etetin kásipkerlerdiń isine qol suǵý emes, mektep ashanalaryndaǵy keleńsiz jaǵdaılar kóbeıip ketkennen keıin qolǵa alynǵan shara.
Vedomstvoaralyq saraptama tobynyń músheleri, BAQ ókilderi, Qyzylorda oblysy Qoǵamdyq densaýlyq saqtaý departamenti, Qyzylorda oblysynyń Kásipkerler palatasy, «Nur Otan» partııasy Qyzylorda oblystyq fılıaly janyndaǵy Partııalyq baqylaý komıssııasynyń tóraǵasy, ata-analar komıteti, ÚEU tóraǵasy, oblystyq, qalalyq Bilim bóliminiń mamandary, oblystyq partııa fılıalynyń Uıymdastyrý-baqylaý bóliminiń keńesshileri qatysqan is-sharada kóptegen kemshiliktiń beti ashyldy.
Mekteptegi tamaqtaný sapasyn kún saıyn baqylaýǵa jáne olqylyqtardy anyqtap otyrýǵa mindetti mekteptiń sarapshylyq komıssııasynyń eseptik qujattamasy men belsendiligi tekserildi. Qyzyq bolǵanda, kóptegen mektepte olar jumys istemeıdi eken. Eskertýi bar birde-bir hattama nemese olqylyqtardy joıý boıynsha birde-bir akt anyqtalmaǵan.
Partııalyq vedomstvoaralyq saraptamalyq top mektep ákimshiliginiń kezekshilik kestesiniń bolýyna vızýaldy tekseris júrgizdi, oqýshylardyń tamaqtaný tártibin qarady.
Mektepterdegi balalardyń tamaqtaný sapasy jaıly qalaı aıtýǵa bolady, eger kóptegen mekteptegi ashanalarda josparly mázir talapqa saı kelmeıtin bolsa. Tamaq qunarsyz. Taǵamdardy saqtaýda talap saqtala bermeıdi. Ydys-aıaqtyń ózin taza ustaý jaǵynan kemshilikter bar. Reıd barysynda osyndaı keleńsizdikter top músheleriniń aldynan shyqty.
Arnaıy monıtorıngtik top jetekshisi Jandos Turmaǵambetov bir kúndik tamaq mólsheri bir oqýshyǵa 220 teńge bolatynyn aqylǵa qonymsyz dep sanaıdy. О́ıtkeni, mundaı az aqshaǵa qunarly taǵam mázirin jasaý múmkin emes. Sondyqtan, anyqtalǵan kemshilikter boıynsha partııa fılıalyna usynystar bermek.
- Ár balaǵa as mázirindegi belgilengen naqty bir taǵamnyń búginge mólsheri 223 teńge dep qalalyq bilim bólimi bekitip otyr. Bekitilgen standartqa sáıkes balaǵa tıisti qajetti barlyq dárýmendermen qamtamasyz etilý kerek. Osy máselege asa mán berilmegendikten biraz balaǵa tıisti tamaq durys jetkizilmeı otyr dep esepteımiz, - deıdi «Nur Otan» partııasy QO fılıaly janyndaǵy partııalyq baqylaý komıssııasynyń tóraıymy Aıda Ábıbýllaeva.
Ata-analar da óz paıymdaýlaryn aıtqan. Olar mektep ashanalaryna taǵam daıyndaýda memlekettik satyp alý satysynda kemshilikter baryn synǵa alǵan. Árıne, tenderde eń tómen baǵa qoıǵan kásipker jeńiske jetedi. Naryqtaǵy baǵadan tómen qoıyp, jeńiske jetken kásipker ózine paıda qalý úshin ár túrli amaldarǵa barady. Qunarsyz jasyq et, maı ornyna margarın, botqalardyń da sapasyzy, merzimi ótińkiregen taǵamdar mektep ashanasyna barady.
Sol kásipkerler tenderdi ótkizgen oryndar men mektep basshylarynyń da jyly-jumsaqtan dámetetinin aıtyp qalady. «Ustalmaǵan ury emes» degenmen, mundaı faktilerdiń oryn alyp jatqandyǵy ras. О́tkende bir bloger mektep ashanasynan taǵamdar urlanatynyn aıtyp, jáshik-jáshik tamaq ónimderin qosalqy esik arqyly alyp bara jatqan adamdy ustap, áleýmettik jelige saldy.
Bıýdjette aǵyl-tegil aqtarylyp jatqan qarjy joq. Joqqa júırik jetpeıdi. Solaı bola tura ata-analar mardymsyz degen qarjynyń ózine balalardyń aǵzasyna paıdasy bar dárýmendi taǵamdardy daıyndaýǵa ábden bolady.
Kóp mektepte brakerajdyq komıssııaǵa sol mekteptiń qyzmetkerlerin engizip qoıatyn faktiler bar.
Bul, árıne, durys emes. Ata-analardan bólek, aqparat salasynyń músheleri ense, «Syrdyń sýy sıraǵynan kelmeıtinder» aıaǵyn ańdap basar edi.
Kemshilikter birer kúndik reıdpen túzelip ketpeıdi. «Bala - baýyr eti» deıdi halqymyz. Olardyń bolashaǵy jarqyn bolýy úshin eń aldymen densaýlyǵy myqty bolýy kerek.
«Nur Otan» partııasynyń bul jobasy oqýshylar úshin deńsaýlyqtyń kepili bolyp tur.
Baqtııar TAIJAN,
«Egemen Qazaqstan»
Qyzylorda oblysy