Ázerbaıjan men Armenııa SIM Parıjdegi kezdesýi halyqty beıbitshilikke daıyndaý úshin naqty is-sharalar josparyn bekitý týraly bitimmen aqtaldy. Bul týraly Trend aqparattyq agenttigi habarlady.
EQUY ókilderi Igor Popov (Reseı), Stefan Vıskontı (Fransııa), Endrıý Shofer (AQSh) Ázerbaıjan Syrtqy ister mınıstri Elmar Mamedıarov pen Armenııa SIM mindetin atqarýshy Zohrab Mnasakanıanmen Parıjde keńes ótkizgen bolatyn. О́kilder aldymen jeke kezdesip, keıin mınıstrlermen jınalys ótkizdi. Kezdesýge EQUY tóraǵasynyń ókili Andjeı Kasprshık qatysty. Bul osymen Ázerbaıjan men Armenııa syrtqy saıasat vedomstvolarynyń tórtinshi kezdesýi.
О́kilderdiń habarlaýynsha, mınıstrler taýly-qarabaq shıelenisine qatysty birqatar suraqty talqylaǵan. Elıseı saraıynda ótken kezdesýde eki halyqty beıbitshilikke bastaýǵa kelisim jasaldy. Odan bólek kelisimniń búgingi satysynyń alǵysharttary men parametrleri, kelissózderdiń údeı túsýine sep bolatyn eki el lıderleriniń osy máselege qatysty sammıtiniń boljamy týraly aıtylǵan.
EQUY ókilderi eki el basshylarymen jaqyn arada kezdesetin josparlaryn habarlady.