Shymkenttegi Ál-Farabı aýdany ákiminiń halyq aldyndaǵy eseptik jıynynda shahar turǵyndary atalǵan aýdanda sporttyq saýyqtyrý ortalyqtaryn salý men kópqabatty turǵyn úılerdiń qasbetin jańartý boıynsha ótinishterin aıtty.
О́tken jyly atqarylǵan jumystar boıynsha esep bergen aýdan ákimi Ǵabıt Máýlenqulov úı basqarýshylarymen ótetin aı saıynǵy jıyn jəne aptanyń ər kúni tańǵy saǵat 9:00-10:00 aralyǵynda turǵyndardy qabyldaý júıege qoıylǵanyn jetkizdi.
«Byltyrǵy jospar aıasynda aýdan aýmaǵyndaǵy birqatar jumystar tolyq oryndalsa, úılerdiń aýlasyna oıyn alańshalary men sporttyq saýyqtyrý elementterin ornatý jospary artyǵymen oryndalǵan. Aýdanymyzda jalpy 400 aýla bolsa, onyń jartysyna aýla alańshalary, sporttyq saýyqtyrý qurylǵylary ornatylyp, jańartyldy. Qalǵan 200-deı aýlada bul baǵyttaǵy jumystar josparǵa sáıkes jalǵasady», dedi aýdan ákimi Ǵabıt Máýlenqulov.
Esepti kezdesýde qalanyń ortalyq aýdanyndaǵy kásipkerliktiń jaı-kúıi sóz boldy. Tarqatyp aıtar bolsaq, aýdanda kásipkerlik salasy taǵy 36 iri kəsipkerlik nysanmen tolyǵyp, jańadan 3800 tulǵany bos jumys oryndarymen qamtamasyz etken. Sonymen qatar, «Damý» kásipkerlikti damytý qory, «Yrys», shaǵyn nesıe uıymy jáne jergilikti kəsipkerler palatanyń mamandary men ekinshi deńgeıli bank ókilderiniń qatysýymen aýyl sharýashylyǵy baǵytyn qarjylandyrýǵa 70 mln teńge qarjy bólinip, 15 joba maquldanǵan.
Sonymen qatar, 2018 jyly «Biz birgemiz» aksııasy aıasynda múmkindigi shekteýli azamattarǵa qoljetimdi orta qurý maqsatynda júrgizilgen túsindirý jumystarynyń nətıjesinde 12 balabaqshaǵa jəne kóshe boıynda ornalasqan 971 iri nysanǵa pandýs ornatylǵan.
Al, múgedekterdiń quqyǵyn shektegeni úshin 5 jekemenshik nysanǵa quzyrly mekemeler tarapynan 3,1 mln teńge kóleminde aıyppul óndirilgen.
Nurshat TО́KEN,
«Egemen Qazaqstan»