Memleket basshysynyń «Bolashaqqa baǵdar: rýhanı jańǵyrý» baǵdarlamasy aıasynda Qyzylorda oblysynyń qalyptasýy men damýyn keshendi sıpattaıtyn 5-7 synyptarǵa arnalǵan «О́lketaný» oqýlyǵy ázirlendi.
«О́lketaný» oqýlyǵyn daıyndaýǵa oblystyq bıýdjet esebinen 25 mln teńge qarjy bólingen. Búginde oqýlyq QR Bilim jáne ǵylym mınıstrliginiń saraptamasynan ótip, 2018-2019 oqý jylynda bilim berý uıymdarynda paıdalanýǵa ruqsat etilgen oqýlyqtar men oqý ádistemelik keshender tizbesine endi.
5-6-7 synyptarǵa arnalǵan «О́lketaný» oqýlyǵynda Syr óńiriniń tarıhy, kıeli jerleri jaıly ańyzdar, tarıhı derekter, tarıhı tulǵalar, ulttyq qolóner, týrıstik marshrýttar, basqa da qajetti málimetter jınaqtalǵan.
Oqýlyq bıylǵy ekinshi jarty jyldyqtan bastap oqytylady.
Baqtııar TAIJAN,
«Egemen Qazaqstan»
Qyzylorda oblysy