Jambyl óńirinde halyqtyń densaýlyǵyn jaqsartý maqsatynda birqatar jumys atqarylyp keledi. Oblys boıynsha búginde barlyǵy 396 medısınalyq mekeme bar. Onyń 30-y aýrýhana bolsa, 356 mekeme ambýlatorııalyq emhana. Jergilikti turǵyndar atalǵan densaýlyq saqtaý mekemelerinen joǵary deńgeıde tıisti em alyp otyr.
Jambyl oblystyq Densaýlyq saqtaý basqarmasynyń basshysy Marat Jumanqulovtyń aıtýynsha, byltyrǵy jyly óńir turǵyndarynyń ortasha ómir súrý uzaqtyǵy 72,43 jasty qurasa, jalpy ólim-jitim koeffısenti 5,6 paıyzǵa turaqtaǵan. Sondaı-aq, ókinishke qaraı, 2 ana ólimi, 154 bir jasqa deıingi náreste ólimi tirkelgen. Basqarma basshysy basqarmaǵa qatysty 3 nysanaly ındıkator jáne 36 nátıjeli kórsetkish bar ekenin, onyń 4-i oryndalmaǵanyn da jetkizdi.
О́tken jyly óńirde barlyǵy 39 nysan paıdalanýǵa berilgen. Onyń ishinde 29 nysan memlekettik-jekemenshik áriptestik aıasynda, 9 nysan jergilikti bıýdjet esebinen el ıgiligine berilse, 1 nysan satyp alynǵan. Sonymen qatar, 6 densaýlyq saqtaý nysany kúrdeli jóndeýden ótkizilgen. О́z sózinde Marat Jumanqulov jeke tulǵalardan 175 aryz-shaǵym túskenin, ol boıynsha 28 qyzmetker jaýapkershilikke tartylyp, 2 bas dáriger jumysynan bosatylǵanyn da aıtyp ótti.
Hamıt ESAMAN,
«Egemen Qazaqstan»
Jambyl oblysy