Kerchen buǵazyndaǵy kemelerde bolǵan órt saldarynan on bir adam qaza tapty. Bul týraly Rosmorrechflottyń baspasóz qyzmeti habarlady. Qalǵan on eki adam qutqaryldy.
«Úsh adam qutqarýshylardyń kóz aldynda sýǵa ketti, taǵy bes adamnyń ne sýda qalyp qoıǵandyǵy nemese janyp jatqan kemelerde qalǵany belgisiz», — dep habarlady Rosmorrechflot.
Buǵan deıin «Kandı» jáne «Maestro» kemelerinde órt shyqqan. Eki kemede 32 adam bolǵan, olardyń barlyǵy Úndistan men Túrkııa azamattary.
Rosmorrechflottyń málimetteri boıynsha, órt otyndy bir kemeden ekinshi kemege berý kezinde bastaldy.
Qazir apat ornynda «spasatel Demıdov» avarııalyq-qutqarý kemesi júr. Bul operasııany Novorossıısk qutqarý-úılestirý ortalyǵy basqarady.
Qyrym teńiz porttarynyń bas dırektory Alekseı Volkov Kerchen buǵazyndaǵy keme qatynasy shtattyq rejımde ótip jatqanyn habarlady.
Túrkııanyń ádildik jáne damý partııasynyń baspasóz hatshysy Omer Chelıktiń aldyn ala málimetinshe, janyp jatqan eki kemede Túrkııanyń 16 azamaty bar. Ol Ankaranyń Reseı Elshiligimen tyǵyz baılanysta ekenin atap ótti.