Nətıjeli jumyspen qamtý jəne jappaı kəsipkerlikti damytý baǵdarlamasyna qatysýshylar sany jańa kásipkerlermen tolyǵady. Bul týraly Úkimet saǵatynda Ulttyq ekonomıka mınıstriniń birinshi orynbasary Rýslan Dálenov málimdedi.
«Buǵan deıin jumys istep turǵan kásipkerler baǵdarlamaǵa qatysa almady. Endi mundaı shekteýlerdi alyp tastaýǵa baılanysty berilgen shaǵyn nesıe sany artady. Osyǵan oraı birneshe oblysta mıkroqarjy uıymdary qurylǵan. Syıaqy mólsherlemesi 6 paıyzdan aspaıdy. Nesıe merzimi 5 jyldy quraıdy. Al mal sharýashylyǵy men ózge de aýyl sharýashylyǵy kooperatıvterin qurý úshin nesıe jeti jylǵa deıin beriledi» dedi Rýslan Dálenov.
Onyń aıtýynsha, 2018 jyly qalalarda mıkrokredıtteýge 13,9 mlrd teńge bólingen. Osylaısha, qala men monoqalalarda 1311 joba qarjylandyryldy. Eger kepildik jetkiliksiz bolǵan jaǵdaıda, kásipkerlerge mıkrokredıtti 85 paıyzǵa deıin kepildendirý usynylady. Osylaısha, ótken jyly 2,8 mlrd teńge somasynda 484 kepildik kelisimsharty jasalǵan. Al bıyl qalalar men monoqalalarda kásipkerlerge 2000 shaǵyn nesıe berý josparlanyp otyr.