Búgingi kúni Astana qalasyn gazdandyrý jobasy úsh kezeńge bólindi. Bul týraly Úkimet saǵatynda Astana ákimi Baqyt Sultanov aıtty dep habarlaıdy Astana qalasy ákimdiginiń baspasóz qyzmeti.
«Besinshi bastama boıynsha eldi gazben qamtamasyz etý úshin Astana ákimdigi byltyrǵy jyldyń 13 shildesinde gaz taratý jelilerin salý jáne Astana qalasynyń jeke sektory turǵyn alaptary men energııa keshenin tabıǵı gazǵa aýystyrý jóninde jol kartasy bekitildi. Búgingi kúni Astana qalasyn gazdandyrý jobasy úsh kezeńge bólingen. Jobalyq smetalyq qujattamaǵa sáıkes qurylys montajdaý jumystarynyń jalpy somasy 52 mlrd teńgeni qurap otyr», - dedi elorda ákimi.
Onyń aıtýynsha, birinshi kezeńniń qurylysy boıynsha 27 mlrd teńge kerek.
«Birinshi kezeń aıasynda 3 JEO jáne Kóktal-1, Kóktal-2, Ońtústik-shyǵys shaǵyn aýdandaryn gazdandyrý qarastyrylyp otyr. Búgingi kúni tıisti qujattamaǵa memlekettik saraptamanyń qorytyndysy alyndy. Jergilikti bıýdjetten 286 mln teńge bólindi. Bıyl jańaǵy aıtylǵan 27 mlrd týraly, onyń ishinde 4 mlrd teńge respýblıkalyq bıýdjetti naqtylaý kezinde biz tıisti qujattamany mınıstrlikke beretin bolamyz. Ári qaraı respýblıkalyq bıýdjet komıssııasynda qaraý úshin», - dedi Baqyt Sultanov.