Jergilikti jerlerde ótkizilgen kezekti «Mıgrant» jedel-profılaktıkalyq is-sharalary shekarany zańsyz asyp kelgen shetel azamattarynyń kezekti tobyn áshkereledi.
Kóshi-qon qyzmeti basqarmasy uıymdastyrǵan reıd barysynda el aýmaǵyna kelý, onda bolý men shyǵý erejelerin óreskel buzýdyń 259 oqıǵasy anyqtalyp, 16 sheteldik shyǵarylǵan. Kóshi-qon qyzmetiniń qyzmetkerleri Petropavl qalasyndaǵy qurylys obektileriniń birinde zańsyz jolmen nápaqasyn taýyp júrgen О́zbekstan Respýblıkasynyń 5 azamatyn quryqtady. Olar Qazaqstan aýmaǵyna jeke maqsatpen kelgenderin aıtyp, jaýapkershilikten sytylýǵa tyrysqan. Aqsha tappaq bolǵan nıetteri kóshi-qon zańnamasyna qaıshy kelgendikten, hattama toltyrylyp, ákimshilik qamaýǵa alyndy.
Reıd kezinde qurylys obektilerinen bólek bazarlar men saparjaılar aýmaǵy, sheteldikter qonystanǵan oryndar da jiti tekserildi.
Kóshi-qon qyzmeti basqarmasynyń bastyǵy, polısııa maıory Talǵat Ábilovtiń aıtýynsha, soltústikqazaqstandyq saqshylar byltyr 5 jedel-profılaktıkalyq is-shara ótkizipti. Júrgizilgen jumystardyń nátıjesinde júzdegen sheteldik azamattar ákimshilik jaýaptkershilike tartylyp, elden alastatylǵan. Sheteldik jumys kúshin zańsyz qoldanǵan ondaǵan jumys berýshige jaza qoldanylǵan.
Memlekettik shekarany zańsyz jolmen kesý, el aýmaǵynan shyǵarý týraly sot sheshimin oryndamaýǵa, zańsyz kóshi-qon uıymdastyrýǵa qatysty birneshe qylmystyq is qozǵalǵan.
О́mir ESQALI,
«Egemen Qazaqstan»
Soltústik Qazaqstan oblysy