Elbasy Nursultan Nazarbaevtyń qatysýymen Jastar jylynyń ashylý saltanaty ótip jatyr. Is-sharada elimizdiń jalyndy jastary bar.
Ashylý saltanatyna óner, ǵylym, bıznes, áskerı, jýrnalıstıka, sport jáne t.b. barlyq saladaǵy úzdikter jınalǵan. Olardyń arasynda shahmattan álem chempıony Jansaıa Ábdimálik, mıllıardtardyń júregin jaýlaǵan Dımash Qudaıbergen, kınosúıer kópshiliktiń kózaıymyna aınalǵan Asylhan Tólepov, ánimen ǵana emes, kásipqoı boksta da kók týdy jelbiretken Ibragım Eskendir jáne basqa da qoǵam belsendileri, jas depýtattar, «Júz jańa esim» jobasynyń jeńimpazdary qatysty. Sondaı-aq barlyq óńirdegi jastar onlaın rejımde baılanysqa shyqty.
Rásimde táýelsizdik urpaqtary óziniń jetistikterimen jáne josparlarymen bólisti. Solardyń alǵashqysy - 21 meıramhana ashqan 23 jasar Rasýl Abdýllaev «Bul jyl – tek jastarǵa ǵana emes barlyq qazaqstandyqtarǵa berilgen múmkindik» deıdi. Jas kásipker bolashaqta marketıngti damytýdy usyndy.
Eshki súti óndirisimen aınalysyp otyrǵan 27 jasar Tamıla Rozmetova «Aýyl – el besigi» baǵdarlamasynyń shalǵaıdaǵy jastarǵa jasalǵan jarqyn joba ekenin aıtty. Astanada alma aǵashtaryn otyrǵyzýǵa daıyn ekenin jetkizdi. Sondaı-aq ol almanyń kezdeısoq aýa raıyna tózimdi 4 sortyn ázirlep qoıǵanyn da atap ótti.
Aıdana ShOTBAIQYZY,
Egemen Qazaqstan