Memleket basshysy Astanada ótip jatqan Jastar jylynyń ashylýyna arnalǵan saltanatty jıynda jas kásipkerlerdi qoldaýǵa arnalǵan baǵdarlamaǵa 32 mlrd teńge bólýdi tapsyrdy.
«Shaǵyn nesıe berýdiń jáne oqytý isiniń oń tájirıbesinde barlyq óńirde jas kásipker baǵdarlamasyn ázirleý qajet. Bul joba aıasynda jyl saıyn bilim alatyn jumyssyz jastar men ózin-ózi jumyspen qamtyǵandardyń sanyn 100 myńǵa deıin jetkizgen jón. Sońǵy eki jylda «Atameken» ulttyq kásipkerler palatasy «Bastaý» jobasyn qolǵa aldy. Bul boıynsha aýyldar men shaǵyn qalalarda 43 myń turǵyn oqyp shyqty. Mysaly, elimizde 7000 shaǵyn aýyl bar. Mundaı aýyldarda mektepti bitirip, joǵary oqý ornyna túse almaı júrgen azamattar kóp. Osyndaı jastarǵa kásipker baǵdarlamasymen arnaıy mamandar kásip túrlerin usynyp, olarǵa baǵyt-baǵdar kórsetedi. «Atameken» palatasy jas kásipkerlerdi qoldaýǵa arnalǵan osy baǵdarlamasyn ary qaraı jalǵastyra berýi kerek» dedi Elbasy.
Sondaı-aq Memleket basshysy Úkimetke «Bıznes-2020» degen Jol kartasy baǵdarlamasy aıasynda sol jas kásipkerlerge bólinetin qarjy kólemi 2 esege arttyrýdy tapsyrdy.
«Úkimetke «Bıznes-2020» jol kartasy aıasynda jas kásipkerler úshin grant boıynsha bólinetin qarajat kólemin eki esege arttyrýdy tapsyramyn. Osy arqyly úsh jylda shamamen 300 myńǵa jýyq jastar bıznestiń qyr-syryn meńgerip shyǵady. Olardyń tórtten biri nemese kem degende 80 myń adam óz kásibin bastap ketedi», dedi Elbasy.
N. Nazarbaev ýnıversıtettiń joǵarǵy kýrstarynda oqıtyn stýdentterdi de bızneske baýlýdy usyndy.
«Bitirýshi kýrstarda, ýnıversıtettiń joǵary kýrsynda oqıtyn 60 myńǵa jýyq stýdentti bızneske baýlý qajet. Kóptegen stýdentter 4-5 kýrsta bıznespen aınalysa bastaıdy. Túrli kompanııalar úzdik stýdentterdi shaqyra bastaıdy. Úkimetke bul baǵdarlamany júzege asyrý úshin úsh jyldyń ishinde 32 mıllıard teńge bólýdi tapsyramyn», dedi Elbasy.
«Jas ǵalymdarǵa granttar mindetti túrde berilýi kerek. Eger osyny júzege asyrsaq, 3 jyl ishinde 300 myńǵa jýyq jas bıznestiń qyr-syryn meńgerip shyǵatyn bolady. Kem degende 80 myń adam, olardyń tórtten biri óz kásibin bastap ketedi. JOO bitirýshi 60 myńǵa jýyq stýdentti bızneske baýlý qajet. Úkimetke bul baǵdarlamany júzege asyrý úshin 3 jyldyń ishinde 32 mlrd teńge bólýdi tapsyramyn.