26 qańtarda Shvesııada dopty hokkeıden álem chempıonaty bastalady. 2 aqpanǵa deıin sozylatyn jarysta Qazaqstan quramasy myqtylar tobynda óner kórsetedi.
1951 jyldan beri aıtýly jarystyń jalaýy 38 márte jelbiredi. Sol aralyqta Qazaqstannyń bendıshileri alty ret (2003, 2005, 2012, 2013, 2014, 2015 jyldary) qola medaldi ıelendi. Alaıda sońǵy úsh dodadan qorjynymyz bos qaıtqan edi. Atap aıtsaq, 2006 jyly úshinshi oryn úshin tartysta álemniń 12 dúrkin chempıony degen ataǵy bar Shvesııaǵa ese jibersek, 2017 jáne 2018 jyldary osy týrnırdegi syralǵy qarsylasymyz Fınlıandııaǵa jol berdik. Bul joly bizdiń jigitter qalaı da qola júldeni ıelenýdiń kózdeýde.
О́ziniń tusaýkeser kezdesýin jerlesterimiz 26 qańtarda fınderge qarsy ótkizedi. Araǵa eki kúnnen salyp, Shvesııa jáne Reseı quramalarymen sheberlik baıqasamyz. Al júldeli oryndar úshin básekeler 31 qańtar men 2 aqpan aralyǵynda ótedi.
Ǵalym SÚLEIMEN,
«Egemen Qazaqstan»