Elimizdiń tanymal aýyr atleti Nadejda Nogaı birer jylǵa úlken sporttan shettetilýi múmkin. Qazirgi kezde oǵan «dopıng qoldandy» degen aıyp taǵylyp otyr.
Dańqty Úshtóbe aýyr atletıka mektebiniń ókili áıgili bapker Lazar Donnyń qol astynda jattyǵyp, osy sport túriniń qyr-syryna qanyqty. Keıinnen Shymkentte aýysyp, Iýrıı Melnıkovtan tálim-tárbıe aldy. Asa aýyr salmaqta óner kórsetken Nadejda Nogaı jasóspirimder men jastar býyny arasyndaǵy jarystarda jasyndaı jarqyrap, bes ret álem birinshiliginiń jeńimpazy atandy. Qurlyqtyq dodalarda da san márte daralandy. Sol básekelerde ol óziniń basty qarsylastarynan 30-40 keliden artyq salmaqty eńserip, tórtkúl dúnıe jankúıerlerin tamsandyrdy. Áıelder arasyndaǵy saıystarda da Nogaı ózin jaqsy qyrynan kórsetip, elshilik jáne halyqaralyq týrnırlerde top jaryp júrdi.
Eger «dopıng qoldandy» degen kúdik rastalatyn bolsa, onda Nadejda Nogaıǵa 2020 jyly Tokıoda alaýy tutanatyn Olımpııa oıyndaryna qatyssam degen óziniń úkili úmitimen qosh aıtysýǵa týra keledi.
Ǵalym SÚLEIMEN,
«Egemen Qazaqstan»