Aqtóbe oblysynyń ákimi Berdibek Saparbaev 25 qańtar, juma kúni Memleket basshysynyń Jastar jyly aıasyndaǵy tapsyrmalarynyń oryndalý máselelerin talqylaý úshin oblystaǵy jastar qozǵalysynyń belsendilerimen kezdesti. Kezdesýge sondaı-aq, «Qazaqstannyń Eńbek Eri», qoǵam qaıratkeri Quralaı Baımenova, Mádenıet qaıratkeri Erkin Qurmanbek, Aýǵan soǵysynyń ardageri, qoǵam qaıratkeri Marat Qoılybaev jáne basqa da tanymal aqtóbelikter shaqyryldy.
«Álemniń eń damyǵan 30 memleketine jyldam kirýi úshin ozyq tehnologııalardy, ınnovasııalardy jáne sıfrlandyrýdy engizý qajet. Bul mindetti búgin jastar tabysty atqara alady. Memleket basshysy Jastar jylyn sizderge múmkindiginshe jeke damý úshin, jetistikke jetý múmkindigin berý úshin jarııalady. Bıylǵy jyly Sizder mindetti túrde tıimdi paıdalaný úshin kóptegen múmkindikter paıda bolady. Ýaqytty bosqa jumsamańyzdar. Bul ýaqyt óte qysqa, jastyqty bosqa ótkizip alǵan adamdar ómiriniń qalǵan ýaqytynda ókinedi», - dedi Berdibek Saparbaev kezdesýdi ashý sátinde.
Belgili bolǵandaı, búginde Jastar jylynyń Aqtóbe oblysy boıynsha is-sharalar jospary jasaldy, ol 2018 jylǵy qarashadaǵy «Jas barys» birinshi aımaqtyq forýmynda jarııalanǵan óskeleń urpaq ókilderiniń usynystary men ıdeıalarynyń negizinde boldy. Jospar boıynsha oblysta 300-den astam is-sharalar júzege asyrylady. Olardyń barlyǵy el Prezıdentiniń qoıǵan turǵyn úı, jumyspen qamtý, kásiptik bilim alýǵa qol jetkizý, jastar kásipkerligin qoldaý, volonterlik qyzmetti jandandyrý, patrıottyq uıymdardy nyǵaıtý jáne taǵy basqalarmen jastardy qamtamasyz etý mindetterin sheshýge baǵyttalǵan.
«Jospar ázirlendi, biraq biz jumys isteıtin jandy baǵdarlama bolý úshin oǵan jańa ıdeıalar engizýimiz kerek. Sol sebepti búgin sizderdi, ıaǵnı oblystyń belsendi jastaryn, jas kásipkerlerdi, túrli salalardyń mamandaryn, stýdentterin jınadyq. Otanymyzdyń damýyna eleýli úles qosqan aǵa urpaqtyń ókilderi de sizdermen birge ómirlik tájirıbelerimen bólisý úshin shaqyryldy. Elbasy tapsyrmalaryn oryndaý bizdiń ortaq maqsatymyz», - dep atap ótti Berdibek Saparbaev.
Jastar jylynyń is-sharalar josparyn júzege asyrý belsendi kezeńge endi. Máselen, jastardy turǵyn úımen qamtamasyz etý úshin biregeı baǵdarlama iske qosyldy, oǵan sáıkes oblystyń 29 jasqa deıingi turǵyndary aldyn ala jarnasy 350 myń teńge jáne aı saıynǵy tólemi 35 myń teńge bolatyn bir bólmeli páterdi satyp ala alady. Oblys ákiminiń aıtýynsha, jyl ishinde jastarǵa túrli memlekettik baǵdarlamalar aıasynda kem degende 1 000 jeńildetilgen páterler salynady.
Oblys ákimi sondaı-aq, jumyspen qamtý maqsatynda kem degende 10 myń jańa jumys orny ashylatynyn, 800 adam «Bıznes Bastaý» jobasy boıynsha kásipkerlik negizderine oqytylatynyn, olardyń kópshiligi bıznes-jobalaryn qorǵaǵan soń olardy júzege asyrýǵa qolaıly nesıeler men qaıtarymsyz grant alýǵa jáne múmkindik alatyndaryn. jastardyń kásipkerlik bastamasyn qoldaý úshin startaptardy qarjylandyrýǵa 40 mln. teńge bólinip, «Eńbek» baǵdarlamasy boıynsha jeńildetilgen shaǵyn nesıe beriledi jáne ártúrli kózderden grant qarajaty tartylady.
«Prezıdenttiń taǵy bir tapsyrmasy - joǵary sapaly kásibı bilim berý. Bizdiń oblysta zamanaýı aqparattyq tehnologııalar, ınnovasııalar, sıfrlyq baǵdarlamalar salasyndaǵy mamandardy daıyndaıtyn tirek ýnıversıtet bolyp Q.Jubanov atyndaǵy AО́MÝ anyqtaldy. Sondaı-aq, Memleket basshysynyń tapsyrmasyna sáıkes 10 kolledj halyqaralyq standarttarǵa tolyǵymen sáıkes kelý úshin jańǵyrtylatyn bolady. Atalmysh oqý oryndarynda qazirgi zamanǵy álemde suranysqa ıe kem degende 7 jańa mamandyq ashylady. Mektepterde byltyr balalar jyly bastalǵan «Baqytty bala» jobasy aıasyndaǵy bilim berýdi jetildirý, IT-klasstaryn ashý boıynsha aýqymdy jumysty jalǵasady. Jalpy alǵanda, «Baqytty bala» jobasy bizge Jastar jylynyń bastamalaryn sátti júzege asyrý úshin keremet alań qurýymyzǵa múmkindik berdi», - dedi oblys ákimi.
Aımaq basshysy kezdesý barysynda jetim jáne ata-anasynyń qamqorlyǵynsyz qalǵan balalarǵa, jumysshy jastarǵa, eriktiler qozǵalysyn damytýǵa jáne sporttyq ınfraqurylymǵa (sport alańdaryn, kóshedegi jattyǵý alańdaryna) erkin kirýge kóp kóńil bólinetinin málimdedi.
«Jetim balalar, jumysshy jastar turǵyn úımen, tegin kásiptik bilimmen múmkindiginshe qamtamasyz etilý kerek, sonymen qatar, jastardyń quqyqtaryn qorǵaý úshin barlyq salalarda jastar komıtetteri qurylýy tıis. Elbasy volonterlik qozǵalysty damytý mindetin qoıdy. Bizdiń óńirdiń eriktileri óte belsendi, Sizderdi maqtanyshpen aıtýǵa bolady, jaraısyzdar. Biz Prezıdenttiń tapsyrmasy boıynsha barlyq oqý oryndarynda stıpendııalaryńyzdyń 30%-ǵa artýyn qadaǵalaımyz. Budan basqa, aımaqtaǵy eriktilerdiń korpýsy qurylady, biz ony qarjylandyrýǵa daıynbyz. Biz sapaly demalysty qamtamasyz etý úshin mádenı jáne sporttyq nysandardyń jelisin keńeıtýdi jalǵastyramyz. Qazir bizde sizder úshin esigi árdaıym ashyq turatyn qyzyqty, biregeı sport jáne mádenı nysandar bar. Sol jerlerge baryńyzdar, ózińizdiń múmkindigińizdi iske asyryńyzdar. Eń bastysy - ýaqytty bosqa ketirmeńizder», - dedi Berdibek Saparbaev jastarǵa.
Atap óteıik, Aqtóbe oblysynyń jalpy halqynyń tórtten bir bóligi nemese 208 myńnan astam adam - 14-29 jas aralyǵyndaǵy jastar. Oblys ákimi olardyń birde-biri Jastar jylynyń artyqshylyǵymen qamtylmaı qalmaıtynyn atap ótti.
«Búgingi kezdesýge aımaqtyń eń belsendi jastary - eriktiler, jastar isi jónindegi komıtetterdiń tóraǵalary, jas kásipkerler men ártúrli saladaǵy mamandar, jumysshy jastar qatysýda. Sizder jastarmen tikeleı jumys jasaısyzdar, memlekettik jastar saıasatynyń jolbasshysy bolyp tabylasyzdar, sondyqtan sizderdiń belsendi qoǵamdyq qyzmetterińiz Prezıdentimizdiń órshil mindetterin júzege asyrý úshin óte mańyzdy», - dedi kezdesýdi túıindegen oblys ákimi.