О́tken jyly Almaty oblysynyń Panfılov aýdanynda jalpy quny 40,8 mlrd teńge bolatyn aýyl sharýashylyǵy ónimi óndirildi. Iаǵnı, agrarlyq salanyń tabysy burnaǵy jyldarmen salystyrǵanda aıtarlyqtaı artyp, naqty ósim kórsetikshi 103 prosentke jetti.
Jarkent óńiriniń dańqy kezinde júgeri ósirýmen shyqqan edi. Qazir de aýdan dıqandary dástúrli daqyldy kóptep ósiredi. Byltyr 43,6 myń gektarǵa dán sebilse, onyń 25 885 gektary osy júgeri ósimdigi. Kútimi kelisse, júgeriniń ónimi joǵary bolady. Agrarlar ótken kúzde júgeri egilgen ár gektardan ortasha eseppen alǵanda 63,7 sentnerden ónim jınaǵan.
- Aýyl sharýashylyǵynda jańa tehnologııalardy qoldaný ónimdi eseleýge múmkindik beredi. Osy maqsatta aýdanda 1396 ga jerge tamshylatyp sýǵarý ádisi paıdalanylýda. Mysalǵa, «Kóktal Agro» jaýapkershiligi shekteýli seriktestigi 286 gektar júgeri egistigine tamshylatyp sýǵarý ádisin paıdalanyp, ár gektarynan 200 sentnerden júgeri dánin aldy. Sýarmaly jer kólemin ulǵaıtý – azyq-túlik qaýipsizdigin qamtamasyz etýdiń tıimdi bir quraly. Ákimdik tarapynan qajetti qoldaý jasalyp jatyr, - deıdi Panfılov aýdany ákiminiń baspasóz hatshysy Nurbol Qanaǵat.
Qalmahanbet MUQAMETQALI,
«Egemen Qazaqstan»
Almaty oblysy