Búgin Úkimet úıinde QR Premer-Mınıstriniń Birinshi orynbasary Asqar Mamın «Peterbýrg traktor zaýyty» AQ dırektory Sergeı Serebrıakovpen kezdesý ótkizdi.
Kezdesý barysynda QR men RF aýyl sharýashylyǵy mashınasyn jasaý salasyndaǵy yntymaqtastyq perspektıvalary, Qostanaı qalasynda «AgromashHoldıng KZ» AQ alańynda reseılik «Kıroves» traktorlarynyń óndirisin ornalastyrý máseleleri, sondaı-aq, jersindirý men komponentter óndirisin ornalastyrýdy tereńdetý keleshegi talqylandy.
Zaýyttyń bas dırektory Sergeı Serebrıakov «AgromashHoldıng KZ» AQ-da tek traktorlar óndirisin uıymdastyrýda ǵana emes, sonymen qatar kardan biligi jáne dóńgelek dıskileri sekildi komponentter óndirisin uıymdastyrýda da yntymaqtastyq ornatýǵa qyzyǵýshylyq tanytty.
«Peterbýrg traktor zaýyty» AQ "AgromashHoldıng KZ" AQ qaýyttylyqtarynda energııa únemdeýshi traktorlar shyǵarýǵa nıetti», — dedi Sergeı Serebrıakov.
Jaqynda «Peterbýrg traktor zaýyty» AQ basshysy Qazaqstandaǵy aýyl sharýashylyǵy tehnıkasynyń jetekshi óndirýshisi «AgromashHoldıng KZ» AQ, «SaryarqaAvtoО́nerkásip» JShS ulttyq avtoshyǵarýshysy, sondaı-aq Qostanaıdaǵy Indýstrııalyq aımaqtyń óndiris alańdarynyń áleýetimen tanysty.
Qazaqstanda «PTZ» AQ ónimderi kópshilikke tanymal. Máselen, 2014 jyldan bastap 2017 jylǵa deıingi kezeńde Qazaqstanda 500-ge jýyq «Kıroves» satyldy. QR Aýyl sharýashylyǵy mınıstrliginiń málimetine sáıkes, jyl saıynǵy suranys shamamen 1600 birlik traktordy quraıdy.
Peterbýrg traktor zaýyty — 1801 jyly negizi qalanǵan Reseıdiń burynnan kele jatqan mashına jasaý kásiporyndarynyń biri – «Kırov zaýytynyń» enshiles kásiporny. 2014 jyly K-744R serııasynyń «Kıroves» aýyr aýyl sharýashylyǵy traktorlarynyń jańartylǵan túri óndiriske shyǵaryldy. Búginde zaýyt qýattylyǵy 300-ten 450 l.s. deıin K-744R serııaly «Kıroves» aýyl sharýashylyǵy traktorlarynyń 8 túrin, «Kıroves» óndiristik traktorlary negizinde jasalǵan jol-qurylys jáne arnaıy mashınalardyń 17 túrin shyǵarady.