Aqtaý garnızonyndaǵy áskerı bólim sarbazy R. Jaıǵalıevtiń qaza bolýyna qatysty qylmystyq is boıynsha tergeý aıaqtalyp, sotqa joldandy, dep habarlaıdy Egemen.kz.
Oqıǵa bıylǵy 17 aqpanda bolǵan. Tergeý málimetinshe, áskerı bólim komandıri qyzmettik mindetterin tıisinshe oryndamaǵan. Atap aıtqanda, jeke quramdy baqylaý men qarý qoldaný tártibin qamtamasyz etýge qatysty jarǵylar men vedomstvolyq talaptardy saqtamaǵany anyqtalǵan. Sonyń saldarynan qaıǵyly jaǵdaı bolǵan.
Bas áskerı prokýratýranyń habarlaýynsha, áskerı prokýrorlardyń turaqty baqylaýy men jedel-tergeý tobynyń úılesimdi jumysynyń arqasynda qysqa merzim ishinde qajetti dálelder jınalyp, sot saraptamalary júrgizilgen.
Tergeý aıaqtalyp, is sottyń qaraýyna jiberildi.
Sonymen qatar, barlaý-shabýyl batalonynyń komandıri, onyń orynbasary jáne rota komandıri qyzmetterinen bosatyldy. Budan bólek, 10 laýazymdy tulǵa tártiptik jaýapkershilikke tartylǵan.
Bas áskerı prokýratýra áskerı qyzmetshilerdiń ólimine sebep bolǵan qylmystar boıynsha kinálilerdi jaýapqa tartý jumystary jalǵasatynyn málimdedi.
Eske salaıyq, Jambyl oblysynda komandırdiń salǵyrttyǵynan bolǵan sarbaz ólimi boıynsha tergeý aıaqtaldy.
Abaı oblysyndaǵy sarbaz ólimine kináli dep tanylǵan dáriger jazadan bosatyldy.