Aldaǵy kúnderi Qazaqstannyń batys jáne ońtústik aýmaqtarynda kúndizgi aýa temperatýrasy +27…+35 gradýsqa deıin joǵarylaıdy. Bul týraly «Qazgıdromet» habarlady, dep jazady Egemen.kz.
Sınoptıkterdiń málimetinshe, el aýmaǵyndaǵy aýa raıyna eki barıkalyq qurylym áser etedi. Eldiń batys jáne ońtústik óńirleri ońtústik sıklonnyń yqpalynda bolady. Bul aımaqtarda ótkinshi jańbyr jaýyp, naızaǵaı kútiledi, sondaı-aq kúndizgi aýa temperatýrasy aıtarlyqtaı joǵarylaıdy.
«Respýblıkanyń qalǵan bóliginde sýyq antısıklon óz áserin saqtaıdy. Túngi ýaqytta soltústik, shyǵys jáne ortalyq óńirlerde 1-6 gradýsqa deıin úsik kútiledi. Al kúndiz bulttylyqtyń az bolýyna baılanysty aýa temperatýrasy +12…+28 gradýstan +20…+30 gradýsqa deıin kóteriledi», delingen «Qazgıdromet» habarlamasynda.
Burshaq jaýyp, kún kúrkireıdi: 13 mamyrǵa arnalǵan aýa raıy boljamy
Mamandar respýblıka boıynsha jeldiń kúsheıýi kútiletindigin aıtyp, ońtústik óńirlerdegi turǵyndardy shańdy daýyldan saqtanýǵa shaqyrady. Túngi jáne tańerteńgi saǵattarda soltústik, shyǵys óńirlerde jáne ońtústik-shyǵystyń taýly aýdandarynda tuman kútiledi.
Nurbolat AMANBEK