Qazaqstan azamattaryna uıaly nómir men smartfondy úshinshi tulǵalarǵa berýge tyıym salý josparlanyp otyr. Bul norma telekommýnıkasııalar naryǵyn jáne derekterdi óńdeý ortalyqtaryn damytýǵa qatysty keıbir zańnamalyq aktilerge ózgerister men tolyqtyrýlar engizý týraly zań jobasyna engizilgen, dep habarlaıdy Egemen.kz.
Atalǵan qujatqa sáıkes, elde abonenttik nómirdi jáne uıaly baılanys qurylǵysyn úshinshi tulǵalarǵa berýge tyıym salynady. Bul shekteýler jaqyn týystarǵa qoldanylmaıdy.
«Bıometrııalyq aýtentıfıkasııa normalary Sıfrlyq kodekske sáıkestendirilip jatyr. Sonymen qatar uıaly baılanys abonenttik qurylǵylaryn tirkeý rásimin verıfıkasııa arqyly jetildirý qarastyrylǵan. Bul zańsyz ákelingen jáne «kóleńkeli» qurylǵylardyń qoldanylýyn azaıtýǵa, sondaı-aq IMEI-di almastyrý arqyly jasalatyn alaıaqtyq shemalardyń qaýpin tómendetýge múmkindik beredi», dedi Jasandy ıntellekt jáne sıfrlyq damý mınıstri Jaslan Madıev.
Áskerde telefon qoldaný tártibi jeńildeıdi
Aıta keteıik, buǵan deıin bilim mekemelerinde oqýshylarǵa smartfon qoldanýǵa tyıym salynýy múmkin ekeni jazǵan edik.