Slovakııada ótip jatqan bıatlonnan jasóspirimder arasyndaǵy álem chempıonaty aıasynda 3h7,5 shaqyrymdyq estafeta aıaqtalyp, Qazaqstan quramasy qolaǵa qol sozym jerden toqtady dep jazady Olympic.kz.
Qazaqstan sapynan jarysty birinshi bolyp Kırıll Baýer bastady. Ol atý kezinde múlt ketpeı, tórtinshi orynǵa kóterildi. Keıin Nıkıta Akımov jarys jolyna shyǵyp, hattamada ekinshi nátıjeni kórsetken bolatyn.
Estafetany qabyl alǵan Vladıslav Kıreevtiń jyldamdyǵy joǵary boldy. Alaıda, komandalastaryna qaraǵanda, atý alańynda múlt ketken bolatyn. Osylaısha, kóshbasshy komandadan 41.5 sekýndqa qalyp qoıǵan Qazaqstan quramasy tórtinshi oryn ıelenip, gúl syılaý rásimine qatysty.
Taǵy bir aıta keterligi, bizdiń sportshylar ózgelerge qaraǵanda atýdan jaqsy nátıje tirkedi.
Altyn júlde Germanııa sportshylaryna buıyrdy. Kúmis medaldi Slovakııa, qola medaldi Italııa quramalary ıelendi.