Qazaqstan jeńil atletıka federasııasy Kenııa eliniń bes adamyna «sporttyq azamattyq» rásimdeý sharasyn bastady.
2018 jyly jeltoqsanda Nora Djerýto, Karolın Kıpkırýı, Deızı Djepkımeı, Shedrak Koech jáne olardyń bapkeri Kennet Kepıego Rotıch Qazaqstan azamattyǵyn aldy.
Uıym ókilderiniń aıtýynsha, 2019 jyldan bastap atletter Shyǵys Qazaqstan oblysy quramasynyń atynan óner kórsetetin bolady.
«Qazirgi ýaqytta federasııa «sporttyq azamattyqty» rásimdeý sharalaryn bastap ketti. Olardy Halyqaralyq jeńil atletıka federasııasy (IAAF) óz erejelerine saı tirkeıtin bolady. IAAF reıtıngine sáıkes qazirgi ýaqytta Nora Djerýto 3000 metrge kedergilermen júgirý boıynsha ekinshi orynda tur, al Karolın Kıpkırýı - bes myń metrge júgirýden segizinshi orynda, on shaǵyrymǵa júginrýden birinshi oryn, úsh myń metrge júgirýden ekinshi orynda. О́z kezeginde Deızı Djepkımeı úsh myń metrge júgirýden onynshy orynda», - delingen federasııanyń resmı jaýabynda.
Jeńil atletıkada sońǵy ótken Qazaqstan birinshiliginde ShQO atynan bes kenııalyq sportshy óner kórsetti. Elimizdiń bas bapkeri Grıgorıı Egorov atletterdiń qazaqstandyq azamattyǵyn alǵanyn rastady. Alaıda mán-jaıymen bólisýden bas tartty. Aıta keteıik, Rotıch «Altaı Atletıks» klýbynda bapker-menedjer qyzmetin atqarady.