Kóksý aýdanynyń Labasy aýyldyq okrýgindegi zaýyttyń irgesi 1967 jyly qalanǵan eken. Aýyldaǵy daıyn ónim shyǵaratyn osy shaǵyn óndiris sońǵy 20 jyl boıyna qańtarylyp turǵan bolatyn.
Qazir shaǵyn zaýyt jeke ınvestor men memlekettiń tize qosýynan keıin qaıta jańǵyrtylyp, iske qosyldy. Kásipkerlikti damytý qory arqyly 100 mıllıon teńge kóleminde berilgen qarjyǵa Reseıden zamanaýı qondyrǵylar satyp alyndy. Endigi alǵashqy ónimin de shyǵaryp úlgerdi. Kásiporynda jasalǵan túrik aırany, qurǵaq sút jáne ystalǵan shujyq naryqqa jóneltilip jatyr.
- Zaýyt tolyq qalpyna kelgennen keıin sút ónimderiniń barlyq túrin shyǵaratyn bolamyz. Shıkizatty jaqyn mańdaǵy aýyldar men kórshi aýdandaryn satyp almaqshymyz. О́ndiris táýligine 40 tonna sút tutynatyn bolady. 20 adamǵa jumys beremiz,- deıdi sút zaýyt basshysy Baqyt Arqabaev.
Qalmahanbet MUQAMETQALI,
«Egemen Qazaqstan»