Elbasynyń tóraǵalyǵymen ótip jatqan Úkimettiń keńeıtilgen otyrysynda Premer-Mınıstrdiń orynbasary Erbolat Dosaev «7-20-25» ıpotekalyq baǵdarlamasy boıynsha 3600 nesıe berilgenin málimdedi.
«Búgingi tańda «7-20-25» baǵdarlamasy boıynsha 43,7 mlrd teńge somasyna 3600 nesıe berildi. Barlyǵy 92 mlrd teńgeden astam kólemde ótinim kelip tústi. Ekinshi bastama – 2019 jylǵy 1 qańtardan bastap 63 myń teńgege deıin jalaqy alatyn jumyskerlerge salyq salmaǵy 10 ese tómendedi. Bul 2 mln-nan astam azamatymyzdyń tabysyna oń áserin tıgizedi. Úshinshi bastama – ótken jyldyń 1 qyrkúıeginen bastap eńbek naryǵynda suranysqa ıe mamandyqtar boıynsha bilim granttarynyń sany 20 myńǵa artty. Jańa jataqhanalardyń qurylysyna 100 jer ýchaskesi belgilendi. Memlekettik-jekemenshik áriptestik aıasynda bilim berý uıymdarymen 12 memlekettik tapsyrys kelisimsharty bekitildi. Bıyl jataqhanalarda stýdentterge 5 myń jańa oryn beriledi», - dedi Dosaev.
Sondaı-aq ol 2018 jyly 595 mlrd teńgege 14 myń mıkrokredıt berilgenin aıtyp ótti.
«Shaǵyn nesıe berý nátıjesinde 22 myńnan astam adam jumyspen qamtylǵan. Sońǵy eki jylda «Bastaý bıznes» jobasy boıynsha 43 myńnan astam adam bıznes negizderin oqydy, olardyń 11 myńy mıkrokredıt alyp, óz isterin bastady», dedi E.Dosaev.
Marjan TILEÝBEK,
«Egemen Qazaqstan»