Jalpy otyrysta birinshi oqylymda qaralǵan «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasy boıynsha baıandama jasaǵan Indýstrııa jáne ınfraqurylymdyq damý mınıstri Jeńis Qasymbekke saýal bergen depýtat Ýálıhan Qaınazarov zań jobasyn jumys tobynda talqylaý barysynda salmaǵy shekten asatyn aýyr júk kólikteriniń qozǵalysyna qoıylatyn shekteýlerge baılanysty ortaq mámilege kelmegendikterin alǵa tartty.
Buǵan J.Qasymbek depýtattar tarapynan bólinetin júkterdi bólshektep tasý týraly usynys jasalǵandyǵyn aıtty.
Osy mezette mınıstrdiń sózin bólgen Májilis Tóraǵasy bul máseleniń óte mańyzdy ekendigin atap ótti.
– Biz jyl saıyn jol salý jáne jóndeý jumystaryna mıllıardtaǵan qarjy jumsap otyrmyz. Biraz qarajatty halyqaralyq qarjy ınstıtýttarynan qaryzǵa alamyz. Sol úshin ústeme paıyz tóleımiz. Al aýyr júk kólikterine kelgende óz joldarymyzben júrýge ruqsatty op-ońaı bere salamyz. Aqsha tólense boldy, Kóliktik baqylaý qyzmeti ruqsatyn beredi. Keıin Eýropa elderindegi joldardyń sapaly ekendigine, al bizdiń joldardyń tez buzylatynyna tań qalyp jatamyz. О́ıtkeni, ol jaqta júk tasymaldaıtyn aýyr kólikterdiń qozǵalysyna ońaıshylyqpen ruqsat berilmeıdi. Onyń ózinde bólinbeıtin júkti tasymaldaýǵa ǵana ruqsat etiledi, – dedi N.Nyǵmatýlın.
Májilis Tóraǵasynyń aıtýynsha, bundaı talap kórshiles Reseı men Qyrǵyzstanda engizilgen. Sondyqtan da aýyr júkterdi bólip tasymaldaý tártibin usynǵan depýtattardyń usynystaryn qabyldanýy qajet.
Indýstrııa jáne ınfraqurylymdyq damý mınıstri Jeńis Qasymbek bul usynysty tolyǵymen qoldaıtynyn jetkizdi.
Serik ÁBDIBEK,
«Egemen Qazagstan»